بۇگىن ۇكىمەت وتىرىسىندا قر پرەمەر-ءمينيسترى باقىتجان ساعىنتاەۆ اوك-ءنى دامىتۋدىڭ مەملەكەتتىك باعدارلاماسى بويىنشا جۇرگىزىلىپ جاتقان جۇمىستارعا كوڭىلى تولاتىنىن ايتتى
بۇگىنگى جيىندا اوك-ءنى دامىتۋدىڭ مەملەكەتتىك باعدارلاماسىن ىسكە اسىرۋ بارىسى تالقىلاندى. الدىمەن اتالعان سالا بويىنشا اۋىل شارۋاشىلىعى ۆيتسە-ءمينيسترى قايرات ايتۋعانوۆ, سولتۇستىك قازاقستان جانە الماتى وبلىستارىنىڭ اكىمدەرى ەسەپ بەردى.
كەيىن ۇكىمەت باسشىسى اۋىل شارۋاشىلىعى ءمينيسترى اسقار مىرزاحمەتوۆكە اۋىل شارۋاشىلىعى سالاسىن ۇنەمى باقىلاۋدا ۇستاپ وتىرۋدى تاپسىردى.
«بارلىق كورسەتكىشتەر بويىنشا وڭ ناتيجە بار. دەگەنمەن اسقار يسابەك ۇلى, ءسىز ەلباسىنىڭ قابىلداۋىندا بولدىڭىز. وسى سالاداعى بارلىق ماسەلەنى باياندادىڭىز. ەلباسىنىڭ تاراپىنان سىزگە ناقتى تاپسىرمالار بەرىلدى. وسى تاپسىرمالاردى تياقناقتى ورىنداۋىمىز قاجەت. الدا ءبىزدى ۇلكەن ءىس-شارالار كۇتىپ تۇر. بار كۇش-جىگەردىڭ بارلىعىن سوندا جۇمساۋ كەرەك. ول اۋىل شارۋاشىلىعىنداعى بارلىق سالالارعا قاتىستى بولىپ وتىر. وسى جۇمىستاردى ۇيىمداستىرۋعا ءسىز جاۋاپ بەرەسىز», دەدى قر پرەمەر-ءمينيسترى.