قازىرگى تاڭدا قوعامدا قىزۋ تالقىعا ءتۇسىپ جاتقان وزەكتى ماسەلە قازاق جازۋىنىڭ لاتىن الىپبيىنە كوشۋى ەكەنى بارشاعا ءمالىم. «كەلىسىپ پىشكەن تون كەلتە بولماس» دەپ دانا حالقىمىز ايتقانداي, تەك جازۋدىڭ عانا ەمەس, جالپى ءتىلدىڭ, ەلدىڭ تاعدىرىنا اسەر ەتەتىن وسىناۋ ماڭىزدى ماسەلەنىڭ ەلىمىزدە, حالىق اراسىندا كەڭىنەن تالقىلانىپ جاتقانى قۋانتادى.
بۇل تەك ماماندار عانا ەمەس, بارشا قازاقستاندىقتار رەفورمانىڭ ايرىقشا ماڭىزىن تەرەڭ تۇسىنگەندىگىنىڭ ايقىن كورىنىسى. ۇلت تاعدىرىنا جانى اشيتىن قاۋىمدا سولاي بولۋعا ءتيىس. قوعامىمىزدىڭ بارلىق سالالارىندا, بارلىق اقپارات قۇرالدارىندا بولعان تالقىلاۋلار ءوز جەمىسىن بەردى دەسەك تە بولادى.
ەلباسىنىڭ قابىلداۋىندا بولعان مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبى قازاق ءالىپبيىنىڭ لاتىن قارپىندە جازىلۋ ۇلگىسىن ۇسىندى. بۇل ۇلگى قوعامدىق تالقىلاۋلار بارىسىندا كەلىپ تۇسكەن ۇسىنىستاردى ەسكەرە وتىرىپ ازىرلەندى. سوندىقتان دا ول الدىڭعى جوباعا قاراعاندا كوپتەگەن كەمشىلىكتەرىنەن ارىلعانى انىق بايقالدى.
وسىنىڭ الدىندا جاريالانعان قوسارلانعان ارىپتەرى كوپ, تىلگە قيىن, جازۋعا ىڭعايسىز نۇسقا كوپشىلىكتىڭ كۇمانىن تۋدىرىپ ەدى. ال جاڭا ءالىپبي ءبىزدىڭ گرافيكالىق سانامىزعا ساي ء«بىر ءارىپ – ءبىر دىبىس» ىڭعايىندا جاسالعان. بۇل ۇيرەنۋگە دە, ۇيرەتۋگە دە ىڭعايلى. ءتىلدىڭ زاڭدىلىعىنا دا ساي كەلىپ تۇر. لاتىن گرافيكاسىنداعى 26 تاڭبا تولىق يگەرىلگەن. قازاق ءتىلىنىڭ وزىنە عانا ءتان ء«ا», ء«و», ء«ۇ», «ع», «ڭ» دىبىستارى اپوستروفتارمەن بەرىلگەن. بۇل بىرنەشە تىلدەردە (نەمىس, تۇرىك, ازەربايجان, وزبەك ت.ب.) بار ۇلگى. جاڭا الىپبيدە كىرمە دىبىستار رەتىندە 4 دىبىستىڭ تاڭباسى (ف, X, ۆ, چ) الىنعان.
ويتكەنى بۇل دىبىستارمەن كوپتەگەن سوزدەر (مىڭنان اسا) ەنگەن. بۇل جولعى ۇسىنىلعان ءالىپبيدىڭ ارتىقشىلىعى – تەحنيكا تۇرعىسىنان الىپ قاراعانداعى قولدانۋ امبەباپتىعى. ويتكەنى بۇل ءالىپبي قوسىمشا باعدارلامالىق جوبا جاساۋدى جانە وسى ماسەلەنى ارنايى قارجىلاندىرۋدى قاجەت ەتپەيدى دەپ ويلايمىز.
ءالى دە سۇراقتار تۋىنداپ, پىكىرتالاستار بولۋى مۇمكىن, ارينە. تولىعىراق تۇسىنىكتەمە بەرۋدى قاجەت ەتەتىن تۇستارى دا بار. سوندىقتان ء«بىز لاتىن ءالىپبيىنىڭ جاڭا نۇسقاسىن ۇسىنىپ وتىرمىز. بىراق مۇنى بىردەن قابىلدايمىز دەگەن ويدان اۋلاقپىز» دەگەن مەملەكەت باسشىسى جاڭا ءالىپبي دە زيالى قاۋىم وكىلدەرى مەن حالىق اراسىندا تالقىلاۋعا ءتۇسۋى كەرەكتىگىنە ءمان بەردى. قازىر ءالىپبي تالقىلاۋدىڭ ەكىنشى ماڭىزدى كەزەڭى باستالدى دەۋگە بولادى. بارلىق پىكىرلەر ەسكەرىلىپ, ساراپتالادى دەپ سەنەمىز.
ارايلىم قايرىمدەنوۆا, بۋراباي اۋدانىنىڭ تىلدەردى وقىتۋ ورتالىعىنىڭ ديرەكتورى
اقمولا وبلىسى