لاتىنعا كوشۋ – ەلەۋلى بەتبۇرىس بولماق

مەملەكەت باسشىسى مۇندا ەلدىڭ مادە­ني-ور­كە­نيەتتىك دامۋىنا ءوز كوزقاراسىن ءبىلدىر­دى. باع­دارلامالىق ماقالاداعى نەگىزگى تەزيس­تەر­­د­ىڭ ءبىرى – 2025 جىلعا قاراي قازىرگى قازاق­ ءالىپ­بيىن لاتىن الىپبيىنە كوشىرۋ قاجەت­تىلىگى تۋرالى. بۇل اۋقىمدى ءىس-شارا قازاق­ستان­نىڭ باسەكەگە قابىلەتتىلىگىن كۇشەيتۋ جانە ۇلتتىق بىرەگەيلىكتى ساقتاۋ قاجەتتىلىگى مەن كومپيۋتەر­لىك ساۋاتتىلىقتى جوعارىلاتۋ, شەت تىلدەرىن مەڭگەرۋ جانە مادەني اشىقتىقتى ارتتىرۋمەن تىكەلەي بايلانىستى بولۋىنا نەگىزدەلىپ وتىرعانىن ناقتىلاپ اتاپ ءوتۋىمىز قاجەت.

ەلباسى ءوزىنىڭ ەڭبەگىندە لاتىن گرافيكاسىنا كوشۋ­دىڭ قالاي جۇرگىزىلەتىندىگى جونىندە ناقتى مەرزىم­دەرىن بەل­گىلەپ, 2017 جىلدىڭ سوڭىنا دەيىن لاتىن ءالىپ­بيىنىڭ جاڭا نۇسقاسى ازىرلەنەتىندىگى جونىندە بايانداعان.

مەنىڭ ويىمشا, مەملەكەت باسشىسى الدىمىزعا ناقتى جوبالار قويىپ وتىرعاندا, جەرگىلىكتى اتقارۋ­شى ورگاندار وسى كەزدەن باستاپ ءتيىستى دايىن­دىق جۇمىس­تارىنا كىرىسكەنى ابزال. قازىرگى كۇندە بارلىق اۋدان, قالالاردا تىلدەردى وقىتۋ ورتالىقتارى جۇمىس ىستەيدى. سولاردىڭ مۇمكىندىگىن تولىققاندى پايدا­لانىپ, 2018 جىلدان باستاپ, مامانداردى ازىر­لەۋ جانە ورتا مەكتەپتەر ءۇشىن وقۋلىقتار دايىن­داۋى­مىز جانە بار­لىق ۇيىمداستىرۋشىلىق جانە ادىستەمەلىك جۇمىس­تار­دى تاياۋداعى ەكى جىل ىشىندە جۇرگىزۋىمىز قاجەت دەپ ەسەپ­­تەيمىن.

ساۋاتتى جاستار­دى قوسپاعاندا, اۋىل­دىق جەر­لەر­دەگى حالىقتىڭ باسىم كوپشىلىگى لاتىن الىپ­بيى­نەن كوپ حابارى بولماعان­دىعىن ەسكەرسەك, اينال­دىر­عان 4-5 جىلدىڭ ىشىندە اتقا­رار جۇمىس از بول­ماي­تىن­عا ۇقسايدى. ونىڭ ار جاعىندا 2025 جىل دا قىلاڭ بە­رىپ قالادى. ال پرەزي­دەنتىمىز «2025 جىلعا قاراي ءىس قاعاز­دارىن, مەرزىمدى ءباسپاسوزدى, وقۋلىقتاردى, ءبارىن دە لاتىن الىپبيىمەن باسىپ شىعارا باستاۋعا ءتيىسپىز», دەگەن بولاتىن. 

وسى جەردە ءبىز ەلباسى ءوزىنىڭ يدەيالارىن جۇيەلى تۇر­دە ىسكە اسىرا بىلەتىنىنە تاعى ءبىر كوزىمىزدى جەتكىزىپ وتىر­مىز. ەستەرىڭىزدە بولسا, 2012 جىلدىڭ جەلتوق­سا­نىن­دا پرەزيدەنت قازاق­ستان حالقىنا ارنالعان جولداۋىندا لاتىنداندىرۋ يدەيا­­سىن ايتا كەلە, 2025 جىلدان باستاپ جازۋدى لا­تىن گرافيكاسىنا اۋىستىرۋ بويىنشا جۇمىسقا كىرىسە بەرۋ­دى تاپسىرىپ, «بالالارىمىزدىڭ بولاشاعى ءۇشىن وسىنداي شەشىم قابىلداۋعا ءتيىسپىز جانە بۇل الەم­مەن بىر­لەسە تۇسۋىمىزگە, بالالارىمىزدىڭ اعىلشىن ءتىلى مەن ينتەرنەت ءتىلىن جەتىك يگەرۋىنە, ەڭ باستىسى – قازاق ءتىلىن جاڭعىرتۋعا جاعداي تۋعىزادى», دەگەن بولاتىن. 

قازىرگى كۇندە بىرقاتار ازاماتتار تاراپىنان لاتىن الىپبيىنە ءوتۋ «وزگە ۇلت وكىلدەرىنە قيىن سوعادى», «ولار ونى قيىن قابىلدايدى» دەگەن ورىنسىز پىكىرلەر ايتىلاتىنىن ەستىپ جاتامىز. مەنىڭ ويىمشا, بۇل دۇرىس تۇسىنىك ەمەس. ويتكەنى, لاتىن ارىپتەرى – نەگىزىنەن الەمنىڭ كوپتەگەن ەلدەرى تاڭداعان ءالىپبيى. 

قورىتىندىلاي كەلە ايتارىم, لاتىن الىپبيىنە ورالۋ – ەلدىڭ ەكونوميكالىق ءوسۋى مەن مادەني دامۋى ءۇشىن وراسان زور الەۋەتى بار تاۋەلسىز قازاقستان تاريحىنداعى ەلەۋلى بەتبۇرىس بولماق!

باستار ەسقاراەۆ, وڭتۇستىك قازاقستان وبلىستىق  تىلدەردى دامىتۋ, ارحيۆتەر مەن  قۇجاتتاما باسقارماسىنىڭ باسشىسى