19 قازاندا ەۋروپا ليگاسى توپتىق كەزەڭىنىڭ 3-تۋرى اياسىندا وتەتىن «استانا» - «ماككابي» كوماندالارى اراسىنداعى ويىننىڭ جانكۇيەرلەرىن كولىكپەن قامتاماسىز ەتۋ ماقساتىندا «استانا ارەنا» ستاديونىنا دەيىن ارنايى اۆتوبۋستار ۇيىمداستىرىلاتىن بولادى, دەپ حابارلايدى استانا اكىمدىگىنىڭ مەديا ورتالىعى.
فۋتبول ويىنىن تاماشالايمىن دەۋشىلەردى 19 قازاندا ساعات 19:00-دەن 20:00-گە دەيىن «قازاقستان» سك, «نۇر استانا» مەشىتى, «جاستار» سارايى, «استانالىق تسيرك» تۇراقتارىندا جينايتىن بولادى. ءجۇرۋ قۇنى - 90 تەڭگە, ءجۇرۋ بيلەتتەرى مەن جەڭىلدىگى بار بيلەتتەر - جارامسىز.
ايتا كەتەيىك, جانكۇيەرلەردى قالاعا اپاراتىن اۆتوبۋستار دا ۇيىمداستىرىلادى. ولاردى قوعامدىق كولىكتەر ساعات 22:30-دا قابانباي باتىر داڭعىلىنداعى ستاديون تۇراعى مەن «استانا ارەنا» ايالداماسىنان اكەتەدى. بۇدان باسقا, جانكۇيەرلەر قالاعا № 10, 12, 28, 40, 51, 303 مارشرۋتتىق اۆتوبۋستارىمەن دە كەرى قايتا الادى.