ريددەر مەتاللۋرگيا كەشەنىندە كومپانيانىڭ مەرەيتويى قۇرمەتىنە مىرىش قاتقاباتتارىنان اۋماعى توقسان شارشى مەتردەي بولاتىن كولەمدى ساندار جاسالدى. «كازتسينك» جشس-ءنىڭ جۇرتشىلىقپەن بايلانىس باسقارماسى وسىلاي دەپ حابارلادى.
مەتاللۋرگيا ءوندىرىسىنىڭ جۇمىسكەرلەرى ءوز كومپانياسىنىڭ ايتۋلى مەرەكەسى – جيىرما جىلدىعى ەشكىمگە ۇقسامايتىنداي ەتىپ بىرەگەي تۇردە قۇتتىقتاۋدى ۇيعارىپتى. ولار كەشەن اۋماعىندا وزگەشە قۇتتىقتاۋ ينستاللياتسياسىن ورناتتى.
– ءبىز ءوزىمىزدىڭ سۇيىكتى كومپانيامىز – «كازتسينك» جيىرماعا تولعان جىلى «قاراپايىم» عانا كادەسىي جاسادىق, – دەيدى كەشەن قىزمەتكەرلەرى. – 85 مىرىش قاتقاباتىنان نەمەسە 4 590 قۇيماسىنان الىپ تسيفرلار «قالاپ شىقتىق». الىپ كومپانياعا – الىپ سىيلىق! جۇمىس كەزىندە بىردە-ءبىر قۇيما ب ۇلىنگەن جوق.
ۇلكەن تسيفردى جاساعان كەزدە ءتورت ەلەكتر تيەگىش پايدالانىلىپتى, ولاردى ءوز ماماندىعىنىڭ شەبەرلەرى – باۋىرجان قارجاۋباەۆ, دانيل يۆاننيكوۆ, ەراسىل ورازاەۆ, سەرگەي كونيۋحوۆ باسقارعان كورىنەدى. «قۇتتىقتاۋ» الاڭى – 90 شارشى مەتردەي. ال ونىڭ جالپى سالماعى – 100 تونناعا جۋىق.
ازامات قاسىم,
«ەگەمەن قازاقستان»
ريددەر