بۇگىن قىرعىز رەسپۋبليكاسىنىڭ پرەزيدەنتى المازبەك اتامباەۆ بىشكەكتەگى الا-ارچا رەزيدەنتسياسىندا ۇزدىك ستۋدەنتتەرگە پرەزيدەنت ستيپەندياسىن تابىستاۋ سالتاناتىنا قاتىستى.
مەملەكەت باسشىسى ءوز مالىمدەمەسىندە قازاق-قىرعىز شەكاراسىنداعى احۋال جايلى ايتا كەلىپ, پرەزيدەنت اتامباەۆ بۇل جولى نازارباەۆتىڭ اينالاسىنداعىلاردى سىنادى.
«قازاقستان پرەزيدەنتى نۇرسۇلتان نازارباەۆ تۋرالى قىزبالىقپەن ايتقانىم دۇرىس بولماعان سياقتى. ول دا مەن سياقتى سەنگىش», - دەدى قىرعىزستان پرەزيدەنتى المازبەك اتامباەۆ. سونىمەن بىرگە قازاقستاننىڭ لاتىن الىپبيىنە قاتىستى سوڭعى شەشىمىنىڭ دە تەگىن ەمەس ەكەنىن قوستى.
قىرعىز پرەزيدەنتى المازبەك اتامباەۆ 7 قازاندا بىشكەك ماڭىنداعى الا-ارچا مەملەكەتتىك رەزيدەنتسياسىندا ەل ازاماتتارىنا مەملەكەتتىك ناگرادالار تاپسىرۋ راسىمىندە قىرعىزستان پرەزيدەنتى سايلاۋىنا قاتىسىپ جاتقان جەكەلەگەن كانديداتتارمەن بىرگە قازاقستان بيلىگىن دە سىناعان ەدى.