«قازاقستان جاستارى كونگرەسىنىڭ» 15 جىلدىعىنا ارنالعان شاراعا ەلىمىزدىڭ ءار وڭىرىنەن جاستار ۇيىمدارىنىڭ كوشباسشىلارى مەن وكىلدەرى, جاس دەپۋتاتتار, سپورتشىلار, بلوگەرلەر, ساراپشىلار مەن مەملەكەتتىك قىزمەتشىلەر شاقىرىلدى.
قازاقستان جاستار كونگرەسى كەڭەسىنىڭ ءتورايىمى داريعا نازارباەۆا, وليمپيادا جۇلدەگەرى ۆاسيلي لەۆيت, تانىمال تەلەجۇرگىزۋشى ءساندى سۇلتان قۇرمەتتى قوناق رەتىندە قاتىستى.
ءۇش كۇنگە سوزىلعان سلەت جۇمىسىندا جاستاردى تولعاندىراتىن ساۋالدار تالقىعا ءتۇسىپ, ءتۇرلى ترەنينگتەر مەن شەبەرلىك-ساباقتارى, كوشە سۋبمادەنيەتى فەستيۆالى, تۇنگى الاۋ جانىنداعى بەيرەسمي كەزدەسۋ, وبلىس اكىمى نۇرلان نوعاەۆپەن كەزدەسۋ, پىكىرتالاس, «جاڭا دەم» ەكولوگيالىق اكتسياسى سىندى شارالار ۇيىمداستىرىلدى.
قازاقستان جاستار كونگرەسى 2002 جىلى ەلباسى باستاماسىمەن اشىلعان. بۇگىنگە دەيىن «جاسىل ەل» بىرىڭعاي ەڭبەك جاستارى ۇيىمى, «جاس ۇلان جاسوسپىرىمدەر ۇيىمى, «ستۋدەنتتەر اليانسى» سىندى كوپتەگەن ۇيىمدار قۇرىلدى. كونگرەستىڭ اتقارۋشى ديرەكتورى ايدىن ءسابيتوۆ: «بيىل اسكەري-پاتريوتتىق باعىتتى ايرىقشا نازارعا الىپ وتىرمىز. «جاس قارۋ» پاتريوتتىق ۇيىمى جۇمىسىن باستادى. تاعى ءبىر جاڭالىق – دۇنيەجۇزىلىك بانكتىڭ گرانتىن جەڭىپ الدىق. اۋىل جاستارىنىڭ باستامالارىن قولداۋ ماقساتىندا شارالار وتەدى. جالپى, ەلىمىز بويىنشا 106 كونگرەستىك ۇيىم بار», – دەدى. رەسپۋبليكانىڭ تۇكپىر-تۇكپىرىنەن جايىق جاعاسىنا جينالعان جاستار سلەت جۇمىسىنا بەلسەندى قاتىسىپ, تانىم كوكجيەكتەرىن كەڭەيتتى. قازاقستان جاستار كونگرەسى كەڭەسىنىڭ ءتورايىمى داريعا نازارباەۆا مەن اتىراۋ وبلىسىنىڭ اكىمى نۇرلان نوعاەۆ پلەنارلىق ماجىلىسكە قاتىسىپ, جاستارمەن اشىق ديالوگ قۇردى. ەسەپتى باياندامالاردان بۇرىن ەمەن-جارقىن جۇزدەسۋگە نەگىزدەلگەن جيىندا جاستار قول جەتكىزگەن جەتىستىكتەرى مەن تولعاندىرىپ جۇرگەن ماسەلەلەرىن اشىق ايتتى.
«الدىمىزدا ناقتى ماقسات بولۋى كەرەك, – دەدى داريعا نازارباەۆا. – قازىر جاستاردىڭ جاعدايلارىن جاقسارتاتىن مەملەكەتتىك باعدارلامالار بار. «جۇمىسپەن قامتۋ-2020» جول كارتاسى», «جاستاردىڭ كادرلىق رەزەرۆى», «ديپلوممەن – اۋىلعا!», «جاسىل ەل», ء«بىلىم مەن عىلىمدى دامىتۋ», ء«ۇش تىلدە ءبىلىم بەرۋدى دامىتۋدىڭ باعدارلامالارى», «سەرپىن», «ماڭگىلىك ەل جاستارى – يندۋسترياعا», جاستار كورپۋسىن دامىتۋعا ارنالعان دۇنيەجۇزىلىك گرانت جوبالارى جارقىن بولاشاققا جەتەلەيدى. اۋىل جاستارىن وقىتۋعا 7 ملرد تەڭگە ءبولىنىپ وتىر. جاستاردى العاشقى ماماندىققا وقىتۋ باعدارلاماسى بار. مىڭداعان جاس ازاماتقا جول اشقان «بولاشاق» باعدارلاماسىن ايرىقشا اتاۋعا بولادى. مەملەكەت تاراپىنان قامقورلىق پەن قولداۋ جەتكىلىكتى دارەجەدە. ولار قالاي جۇزەگە اسىرىلىپ جاتىر, ناتيجەلەرى قانداي؟ كونگرەسس وسى ساۋالدارعا جاۋاپ ىزدەپ, باعدارلامالاردىڭ تيىمدىلىگىن, جەتىستىگىن باقىلاپ وتىرۋى ءتيىس. باقىلاۋ بولماسا, سۇراق بولماسا, جۇمىس جۇرمەيدى. بيىلعى جىل ەلىمىز ءۇشىن وقيعالارعا باي جىل بولدى. ەكسپو-2017 حالىقارالىق كورمەسى الەم نازارىن بىزگە اۋداردى. كورمە جۇمىسىنان جاستار تىس قالعان جوق. قازاقستاننىڭ تۇكپىر-تۇكپىرىنەن ەرىكتىلەر جينالدى. ءتۋريزمدى دامىتۋعا جاستار اتسالىسۋلارى كەرەك. تۋريزم – الەمدەگى ەڭ سەرپىندى دامىپ كەلە جاتقان بيزنەس ءتۇرى. ءوز جەرىمىزدى بىلەمىز بە؟ قاسيەتتى جەرلەرگە, تاريحي مۇرامىزعا قانشالىقتى قانىقپىز؟ وسى ساۋالدار جاۋاپسىز قالماۋى ءتيىس».
جاستار ساياساتىنىڭ دامۋىنا, ەل جاستارىنىڭ ازاماتتىق بەلسەندىلىگىن ارتتىرۋعا, جان-جاقتى قابىلەتىن شىڭداۋعا باعىتتالعان شارالاردى ۇيىمداستىرۋعا ۇلەس قوسىپ جۇرگەن بەلسەندى جاستار كونگرەسس كەڭەسى توراعاسىنىڭ العىس حاتتارىنا يە بولدى.
داريعا نازارباەۆا اتىراۋعا ساپارىندا ۇلتتىق گۆارديانىڭ №51051 اسكەري بولىمشەسىنە بارىپ, «باتىس» وڭىرلىك قولباسشىلىعىندا قورعانىس پەن قاۋىپسىزدىك بويىنشا اتقارىلىپ جاتقان جۇمىستارىمەن تانىستى.
باقىتگۇل باباش, «ەگەمەن قازاقستان»
اتىراۋ