بىرىككەن ۇلتتار ۇيىمىنىڭ ءبىلىم, عىلىم جانە مادەنيەت ماسەلەلەرى جونىندەگى اتقارۋ كەڭەسى (يۋنەسكو) فرانتسۋز قايراتكەرى, بۇرىنعى مادەنيەت ءمينيسترى ودرە ازۋلەنى ۇيىمنىڭ باس ديرەكتورى قىزمەتىنە سايلادى, دەپ حابارلايدى تاسس.
اتقارۋ كەڭەسى مۇشەلەرىنىڭ باسىم بولىگى ودرە ازۋلەننىڭ كانديداتۋراسىن قولداپ داۋىس بەرگەن.
ايتا كەتەيىك, بىرىككەن ۇلتتار ۇيىمىنىڭ ءبىلىم, عىلىم جانە مادەنيەت ماسەلەلەرى جونىندەگى اتقارۋ كەڭەسى دۇيسەنبى كۇنى ءبىرىنشى تۋردا ۇيىمنىڭ جاڭا باس ديرەكتورىن سايلاي الماعاندىعى تۋرالى حابارلاندى.
العاشقىدا يۋنەسكو باس ديرەكتورى قىزمەتىنە توعىز ۇمىتكەر ۇسىنىلدى, كەيىن گۆاتەمالا مەن يراك قوسىلدى. وسىلايشا, سايلاۋعا ازەربايجان (ازەربايجاننىڭ رف-تەگى ەلشىسى, كومپوزيتور جانە عالىم پولاد بيۋلبيۋلوگلى), قىتاي (يۋنەسكو باس ديرەكتورىنىڭ ءبىلىم بەرۋ ماسەلەلەرى جونىندەگى ورىنباسارى, ديپلومات تسيان تان), ەگيپەت (قۇقىق قورعاۋشى جانە وتباسى ىستەرى جونىندەگى بۇرىنعى مينيستر مۋشيرا حاتتاب), ليۆان (مادەنيەت ءمينيسترىنىڭ كەڭەسشىسى ۆەرا ەل-حۋري لاكيوي), ۆەتنام ء(سىم باسشىسىنىڭ ورىنباسارى فام سۋان شون), كاتار (بۇرىنعى مادەنيەت, ونەر جانە مۇرا ءمينيسترى حاماد بين ابدۋلازيز ال-كاۆاري), فرانتسيا (بۇرىنعى مادەنيەت جانە كوممۋنيكاتسيالار ءمينيسترى ودري ازۋلە) قاتىستى.