ورتالىق كوممۋنيكاتسيالار قىزمەتىندە 19-20 قازان كۇندەرى استانادا وتكىزىلەتىن جىلجىمايتىن م ۇلىك ماسەلەلەرى بويىنشا ورتاازيالىق فورۋمعا ارنالعان ءباسپاسوز ءماسليحاتى ۇيىمداستىرىلدى.
وعان استانا قالاسىنىڭ ينۆەستيتسيالار جانە دامۋ مينيسترلىگىنىڭ باسقارما باسشىسى الىشەر ابدىقادىروۆ, استانا قالاسىنىڭ ساۋلەت جانە قالا قۇرىلىسى باسقارما باسشىسى باقتىباي تايتاليەۆ, «استانا كونۆەنشن بيۋرو» جشس ديرەكتورى سانيار ايتەكەنوۆ, سونداي-اق «Kazakhstan Networking Partners» كومپانياسىنىڭ باسشىسى اسحات يسابەكوۆ قاتىستى.
«2017 جىلعى 19-20 قازان كۇندەرى استانادا CREW (Commercial Real Estate Week) كوممەرتسيالىق جىلجىمايتىن م ۇلىك اپتاسى اياسىندا ورتاازيالىق «CRE Central Asia-2017» جىلجىمايتىن م ۇلىك ماسەلەلەرى جونىندەگى فورۋم وتكىزىلەدى. ونىڭ جۇمىسىنا قىتاي, سينگاپۋر, ۇلىبريتانيا, كانادا جانە باسقا دا ەلدەردەن ساراپتاۋشىلار كەلەدى دەپ كۇتىلۋدە. اتالعان شارا استانا اكىمدىگىنىڭ قولداۋىمەن تاۋەلسىزدىك سارايىندا وتكىزىلىپ, كوممەرتسيالىق جىلجىمايتىن م ۇلىك نارىعىنىڭ دامۋىمەن بايلانىستى كوكەيكەستى ماسەلەلەرىن شەشۋگە باعىتتالعان. فورۋمنىڭ باستى شاراسى رەتىندە استانا قالاسىنىڭ اكىمى اسەت يسەكەشەۆتىڭ شاقىرۋىمەن كەلەتىن ورتالىق ازيا ەلدەرى مەن تمد ەلدەرىنىڭ الماتى, شىمكەنت, اشحاباد, تبيليسي, تاشكەنت, بىشكەك سەكىلدى قالالار باسشىلارىنىڭ كەزدەسۋى ورىن الادى.
سونىمەن قاتار فورۋم اياسىندا سالالىق كورمە وتەدى. بۇل كورمەگە قاتىسۋ ءۇشىن قازاقستاننىڭ ايماقتارىنان ينفراقۇرىلىمدى سول جەرلەردە دامىتىپ جاتقان قۇرىلىس, جوبالاۋ جانە ساۋلەت كومپانيالارى, سونداي-اق حالىقارالىق وزدەرىنىڭ تاجىريبەسى مەن سەرپىندى جوبالارى بار, لوگيستيكا جانە ونەركاسىپتىك جىلجىمايتىن م ۇلىكپەن اينالىساتىن كومپانيالار, جۇزەگە اسىرۋعا جاتاتىن قويما, ونەركاسىپتىك نىساندارى شاقىرىلعان.
ۇلتتىق جانە شەتەلدىك بۇقارالىق اقپارات قۇرالدارىنىڭ قاتىسۋىمەن فورۋم ءارتۇرلى نوميناتسيالار بويىنشا جىلجىمايتىن م ۇلىك سالاسىنداعى «Commercial Real Estate Awards-2017» جىل سايىنعى كاسىبي جۇلدەسىن ماراپاتتاۋىمەن اياقتالادى.
راۋان قايدار,
«ەگەمەن قازاقستان»