ءتىلدىڭ قولدانىس اياسى كەڭەيەدى

ءححى عاسىر اقپارات عاسىرى دەسەك, بۇگىنگى كومپيۋتەر زامانىندا الەمدىك عالامتور جۇيەسىندەگى اقپارات كىمنىڭ قولىندا بولسا, سول ءوز بيلىگىن ەمىن-ەركىن جۇرگىزە الادى. ال اقپاراتتىڭ باستى قۇرالى – جازۋ. ياعني عالامتور جۇيەسىندە ۇستەمدىك جاساۋشى – ول لاتىن گرافيكاسى.

ءبىلىم, عىلىم, ءوندىرىس سالاسىنا ەنىپ جاتقان جاڭا تەحنولوگيالارعا لاتىن ءالىپبيى ارقىلى قول جەتكىزەمىز. سوندىقتان لاتىن الىپبيىنە كوشۋمەن حالىقارالىق اقپاراتتىق كەڭىستىككە شىعۋ جەڭىلدەيدى, ياعني عالامتور جۇيەسىن حالقىمىزعا انا تىلىندە مەڭگەرۋگە جول اشىلادى. قازىر ءبارىمىزدىڭ كوزىمىز اشىق, كوكىرەگىمىز وياۋ, بىرنەشە ءتىلدى بەس-التى ايدىڭ ىشىندە قورىقپاي, ەركىن ۇيرەنىپ الىپ جاتقاندا, انا تىلىندەگى دىبىستاردى باسقاشا تاڭبالاۋدى عانا مەڭگەرىپ الۋ بۇگىنگى جاس ۇرپاققا كوپ قيىندىق كەلتىرمەيدى. ءارى بۇگىندە ۇيالى بايلانىستاعى حابارلامالاردىڭ كوبى وسى گرافيكامەن جازىلۋدا.

لاتىن الىپبيىنە كوشۋ مەم­لە­كەت­تىك ءتىلدىڭ قولدانىس اياسىن ودان ءارى كە­ڭەيتۋگە مۇمكىندىك جاسايدى. ءتىل تازا­لىعى ماسەلەسىنە كەلسەك, تىلى­مىز­دەگى قازىرگى جات دىبىستاردى تاڭ­با­لايتىن ارىپتەردى قىسقارتىپ, سول ار­قىلى قازاق ءتىلىنىڭ تابيعي تازا قال­پىن ساقتاۋعا مۇمكىندىك الامىز. قا­زاق ءتىلىن وقىتۋدا باسى ارتىق تاڭبا­لارعا قاتىستى ەملە ەرەجەلەر قىس­قا­رىپ, مەكتەپتەن باستاپ بارلىق وقۋ ورنىندا وقىتۋ ۇدەرىسى جەڭىلدەيدى.

لاتىن الىپبيىنە اۋىسۋ – ءبىزدىڭ ۇلتتىق سانامىزدى جاڭعىرتۋدىڭ ءبىر جولى. ءبىر عانا مىسال, ەلىمىزدىڭ لاتىن ارپىندەگى ترانسكريپتسياسىن «Kazakhstan» دەپ ەمەس, «Qazaqstan» دەپ جازعان بولار ەدىك.

قازاقستاننىڭ لاتىنعا كوشۋى – كورشىمىز رەسەيمەن دوستىق بايلانىستارىنان باس تارتۋى دەگەن ءسوز ەمەس. بۇل – تاۋەلسىز ەلدىڭ ىش­كى ۇلت­تىق مادەني ماسەلەسى. ول ماسە­لەنىڭ كورشى ەلدەرمەن قاتى­ناس­تارعا قاتىسى جوق. رەسەي مەن قازاق­ستان­نىڭ دوستىق نەگىزدەگى بايلا­نىسى ەكى ەل ءۇشىن دە پايدالى ەكەنى انىق.

وزگە ۇلت وكىلدەرىنىڭ مەملەكەتتىك ءتىلدى ۇيرەنۋىنە دە ءوز اسەرىن تيگىزەر ەدى.

جاندوس سماعۇل,

فيلولوگيا عىلىمدارىنىڭ دوكتورى, پروفەسسور

قاراعاندى وبلىسى