پرەمەر-مينيستر باقىتجان ساعىنتاەۆ نۇرسۇلتان نازارباەۆتىڭ اتىنا ەنەرگەتيكا ءمينيسترى قانات بوزىمباەۆقا سوگىس جاريالاۋ تۋرالى ۇسىنىس ەنگىزەدى. بۇل تۋرالى بۇگىن ۇكىمەت وتىرىسىندا بەلگىلى بولدى.
«مەن مىناداي شەشىم شىعارامىن. ۇكىمەت مۇشەلەرىنە قاتىستى تارتىپتىك شارالاردى ەل پرەزيدەنتى قابىلدايتىندىقتان, مەن بۇگىن مەملەكەت باسشىسىنىڭ اتىنا ەنەرگەتيكا ءمينيسترى قانات الدابەرگەن ۇلى بوزىمباەۆقا سوگىس جاريالاۋ تۋرالى ۇسىنىس ەنگىزەمىن", دەدى ساعىنتاەۆ.
«ۆيتسە-مينيسترلەرگە كەلسەك. بۇل مەنىڭ قۇزىرىمدا. سوندىقتان ەنەرگەتيكا ۆيتسە-ءمينيسترى اسەت ماعاۋوۆقا قاتىستى قىزمەتىنەن بوساتۋ تۋرالى شەشىم قابىلدايمىن. بۇگىن كەڭسە ۇكىمەتتىڭ وسىنداي شەشىمىن دايىنداسىن», دەدى پرەمەر-مينيستر.
ەسكە سالايىق, بۇگىن وتكەن ۇكىمەت وتىرىسىندا ساعىنتاەۆ مينيستردەن نەلىكتەن ەلدە اي-92 بەنزينى تاپشى ەكەنىن سۇراعان ەدى. «جانار-جاعارماي نارىعىندا قالىپتاسقان جاعدايعا نازار اۋدارامىن. وڭىرلەردە دەفيتسيت بايقالىپ وتىر, بەنزين شەكتەۋمەن, ال كەي جەرلەردە ءتىپتى تالونمەن ساتىلۋدا. سالدارىنان باعا ءوسىپ كەتتى. الايدا, قانات الدابەرگەن ۇلى (بوزىمباەۆ - اۆت.), ۇكىمەتتىڭ وتكەن وتىرىسىندا بارلىق پروبلەمانى شەشۋگە ۋادە بەرگەنسىز, بىراق جانار-جاعارماي بويىنشا جاعداي شەشىلمەدى, ياعني جاعداي تۇراقتانبادى. بۇل قاشانعى جالعاسا بەرمەك؟», - دەدى ساعىنتاەۆ ۇكىمەت وتىرىسىندا.
قانات بوزىمباەۆ 2017 جىلعى 1 ماۋسىمداعى جاعداي بويىنشا اي-92 قورى 292 مىڭ توننا بولعانىن, ال قورداعى بەنزيندى تۇتىنۋ كەزەڭىنەن كەيىن مۇناي بازالارىندا بۇل كورسەتكىش 140 مىڭ تونناعا ازايعانىن, مۇنىڭ تۇتىنۋعا 15 كۇنگە جەتەتىنىن ايتتى. «ورتاشا باعا 11 پايىزعا ءوستى. ال يمپورت ۇلەسى شىلدەدەگى 15 پايىزدان قىركۇيەكتەگى 30 پايىزدان, قازانداعى 40 پايىزعا دەيىن ءوستى. بۇل جەردە دەفيتسيت ءسوزىن قولدانۋ دۇرىس ەمەس, ەلدە دەفيتسيت جوق», - دەدى مينيستر.
ء«سوزىڭىز اۋزىڭىزدا, ەلدە دەفيتسيت بولماسا, كەزەك قايدان شىعىپ وتىر؟ حالىق تۇسىنبەيدى عوي», - دەدى پرەمەر-مينيستر.
پرەمەر-ءمينيسترى باقىتجان ساعىنتاەۆ «قازمۇنايگاز» ۆيتسە-پرەزيدەنتى دانيار بەرلىباەۆتى قىزمەتىنەن بوساتتى. ۇكىمەت باسشىسى ۇلتتىق كومپانيا ۆيتسە-پرەزيدەنتى ەلدەگى بەنزينگە قاتىستى احۋالدى رەتتەۋدە ءوزىنىڭ مىندەتىن ورىنداي الماعاندىعىن باسا ايتتى.
«پرەمەر-مينيستر جانە «سامۇرىق-قازىنا» ۇك» اق ديرەكتورلار كەڭەسىنىڭ توراعاسى رەتىندە ءوز مىندەتىن ءتيىستى دەڭگەيدە ورىنداي الماعان «قازمۇنايگاز» باسقارماسى توراعاسىنا سوگىس تۇرىندەگى ءتارتىپتى جازانى بەلگىلەۋ بويىنشا شارالاردى بەلگىلەنگەن تارتىپپەن قابىلداۋدى تاپسىرامىن. سونىمەن قاتار ءوز مىندەتىن ءتيىستى دەڭگەيدە ورىنداي الماعان «قازمۇنايگاز» ۇك» باسقارماسى توراعاسىنىڭ ورىنباسارى دانيار بەرلىباەۆتىڭ وكىلەتتىگىن توقتاتۋ تۋرالى شەشىم قابىلداۋ قاجەت», - دەدى باقىتجان ساعىنتاەۆ.