ال, وبلىستىڭ شىعىس بيۋدجەتىنەن 81,5 ميلليون تەڭگە يگەرىلمەگەن. بۇل تۋرالى «نۇر وتان» پارتياسىنىڭ وبلىستىق فيليالىندا دەپۋتاتتىق فراكتسيا, پارتيانىڭ باقىلاۋ كوميسسياسى جانە سىبايلاس جەمقورلىققا قارسى كەڭەستىڭ كەزەكتى وتىرىسىندا ايتىلدى.
وبلىستىق قارجى باسقارماسى بيۋدجەتتىڭ شىعىس بولىگىنەن 81,5 ميلليون تەڭگە يگەرىلمەگەن, بۇل جاعداي وبلىس ورتالىعى, جەلەزين, باياناۋىل اۋداندارىنا تيەسىلى دەپ وتىر.
بىراق, باياناۋىل اۋدانى اكىمىنىڭ ورىنباسارى باقىت توقجىگىتوۆانىڭ ايتۋىنشا, بيىل اۋدانعا بولىنگەن 10 ملرد-قا جۋىق قاراجاتتىڭ قاراجاتتىڭ 97,9 پايىزى ءتيىستى جەرىنە جەتكەن دەيدى. ونىڭ 4 ملردتان استامى اۋدان ورتالىعىنداعى الەۋمەتتىك نىسانداردى جوندەۋ, جول قۇرىلىسىن جۇرگىزۋ, سۋ قۇبىرلارىن تارتۋ, كوشەنى جارىقتاندىرۋ سەكىلدى جۇمىستارعا جۇمسالىپتى.
ايتسە دە, باياناۋىلعا جول ساپارعا بارعان كەزىمىزدە اۋدان اكىمىنىڭ ورىنباسارى ءازىلحان ءابۋوۆ ورتالىقتاندارىلىعان سۋ قۇبىرىنا بولىنگەن 5 ملرد تەڭگە 3 جىلعا بەرىلگەن دەگەن ەدى. ەكى ورىنباسار ەكى ءتۇرلى مالىمەت بەرەدى.
باقىت توقجىگىتوۆا تورايعىروۆ اۋىلىنا بولىنگەن قاراجاتتان 4 ميلليون 509 مىڭ تەڭگە قالىپ وتىر. بۇل قاراجاتتىڭ بارلىعى ءوز ۋاقىتىندا بيۋدجەتكە قايتارىلادى. ال, قالعان قارجىنى جىلدىڭ سوڭىنا دەيىن تولىق يگەرەتىن بولامىز, - دەيدى.
اكىم ورىنباسارلارىنىڭ ەسەبىن تىڭداعان دەپۋتاتتار مەن پارتيا فراكتسياسىنىڭ مۇشەلەرى قاراجاتتى ءتيىمسىز پايدالانۋ جاعدايىن بولدىرماۋدى قاتاڭ تاپسىردى. دەپۋتاتتىق فراكتسيا جاڭا فورمات بويىنشا جۇمىس ىستەۋدە. ماقسات - بيۋدجەت قارجىسىنىڭ يگەرىلۋىن باقىلاۋ.
فاريدا بىقاي,
«ەگەمەن قازاقستان»
پاۆلودار