وركەنيەتتەن ورىن الۋ تۇتقاسى

ءالىپ­بي­دىڭ اۋىسۋى ەڭ بىرىنشىدەن حالىقتىڭ سانا-سەزىمىنە اي­تا قالارلىقتاي وزگەرىستەر اكەلەدى. ءارى وي-ءورىسى مەن دۇ­نيەتانىمىنىڭ تەرەڭدەي تۇسۋىنە العىشارتتار قا­لاي­دى. سوندىقتان مۇنداي جاۋاپتى ىسكە جەتى رەت ول­شەپ, ءبىر رەت كەسۋ تۇرعىسىنان كەلە بىلسەك, العا قويعان ماق­ساتىمىز سوعۇرلىم ناتيجەلى بولماق. 

ەلىمىزدە ءالىپبيدى وزگەرتۋ جونىندەگى شەشىم تەكتەن-تەك الىنباعانى انىق. مۇنىڭ ۇلكەن قوعامدىق ءمانى مەن مەملەكەتتىك ماڭىزى بار. ايتالىق كەڭەستىك كە­زەڭدە قازاق ءالىپبيى كيريلل قارپىنە كوشىرىلدى. كسرو ساياساتشىلارى بۇل ارادا ءبىر عانا ماقساتتى ال­عا ۇستاعانى بەلگىلى. بۇل ءبىر عانا ورىس تىلىندە سوي­­لەي­تىن كەڭەس حالقىن قالىپتاستىرۋ ەدى دەسەك – اقيق­ات­­تان اۋىتقي قويماسپىز. وسىنداي زىميان ساياسات تو­تاليتارلىق داۋىردە بەلگىلى ءبىر ناتيجەسىن بەردى دە. 

ال بۇگىنگى زامان باسقا, قوعام وزگە. ەگەمەن ەل اتانعانىمىزعا شيرەك عاسىردان اسىپ بارادى. قازاق ءتىلىن لاتىن قارپىنە كوشىرۋ ءىسى دە قازاقستاندىق قوعامنىڭ بۇگىنگى وسكەلەڭ تالاپتارىنان باستاۋ الادى. بۇل ءبىر ساتتە «جەر استىنان شىعا قالعان جىك ەمەس». اتال­عان ماسەلە ءبىراز جىلداردان بەرى ايتىلىپ كەلەدى. سون­دىقتان بۇعان ۇركە قاراۋدىڭ ەشقانداي ءجونى دە, رە­تى دە جوق. ءبىزدىڭ ويىمىزشا, لاتىنشاعا اۋىسۋى­مىز­­دىڭ ارقالايتىن جۇگى سالماقتى. قيسىنى تەرەڭ. ويت­كەنى قازىرگى تەحنولوگيالىق ورتانى لاتىن ءتىلىنسىز كوز­­گە ەلەستەتۋ ەش مۇمكىن ەمەس. كوممۋنيكاتسيانىڭ جاي-كۇيىن دە مۇنسىز جۇيەگە كەلتىرە المايسىز. ونىڭ ۇس­تىنە قازىرگى كەزدە عىلىم مەن ءبىلىم بەرۋ ۇدە­رىس­تە­رىندە لاتىن ءتىلىنىڭ الاتىن ۇلەسى ارتىق, اۋقىمى كەڭەيىپ كەلەدى. 

ەگەر وسى ايتىلعان وي-تۇيىندەرىمىزدى ناقتى دەرەك­تەرمەن شەگەلەر بولساق, بۇگىندە كيريلل قارپىن الەم­دە 250 ميلليون حالىق قولدانسا, لاتىن قارپىن جەر بە­تىندە 5 ميللياردقا جۋىق ادام پايدالاناتىنىن كو­رەمىز. ءبىزدىڭ ەلىمىزدە ءالىپبيدى لاتىنعا كوشىرۋ ءىسى ەكى كەزەڭ ارقىلى جۇرگىزىلەتىنى بەلگىلەنگەن. ياعني ال­عاش­قى كەزەڭدە جاڭا گرافيكانىڭ بىرىڭعاي ستاندارتتى جوباسىن قابىلداۋ قاراستىرىلعان. ءبىر سوزبەن ايت­قاندا, مۇنىڭ ءوزى ءبىر ۇلگىگە توقتام جاساۋ دەگەن ۇعىم بولىپ شىعادى. 

بۇگىنگى كۇنى ۇسىنىلعان نۇسقالارعا قاتىستى وتانداستارىمىز ءوز وي-پىكىرلەرىن بىلدىرۋدە. بۇل زاڭدى دا قاجەتتى قۇبىلىس. ءسىرا دانا حالقىمىز «كەڭەسىپ پىش­كەن تون كەلتە بولمايدى» دەپ وسىندايدا ايتسا كە­رەك. ال ەكىنشى كەزەڭ جاڭا ءالىپبي قابىلدانعاننان كەيىنگى ۋاقىتقا ەسەپتەلگەن. بۇعان ارنالعان بولەك ءىس-شارالار شوعىرى بار. كەزەگى كەلگەندە بۇل ماسەلەلەر جونىندە دە ناقتى مىندەتتەر قويىلىپ, ونى جۇ­زەگە اسىرۋدىڭ ءتيىمدى تەتىكتەرى تارازىلانباق. دە­گەنمەن قامدانعان قاپى قالمايدى دەگەندەي, وسى كە­زەڭگە وراي اتقارىلاتىن ىستەردى دە وي سۇزگىسىنەن ءبىر وت­كى­زىپ الۋدى قاجەت دەپ سانايمىز. 

بۇگىنگى كۇنى ءالىپبيدىڭ رەفورمالانۋىنا قاتىستى كوپ­شىلىكتىڭ كوكەيىندە ءار ءتۇرلى پىكىرلەر ورىن الىپ جۇر­گەنى دە جاسىرىن ەمەس. سونىڭ ءبىرى كيريلل قار­پىندە جازىلعان مادەني مۇرالارىمىزدىڭ ءماتىنىن جو­عالتىپ المايمىز با دەگەن ءتۇيىندى ماسەلەدەن تۋىن­دايدى. ءبىزدىڭ ويىمىزشا, بۇلايشا الاڭداۋشىلىق بىل­دىرۋگە ەشقانداي نەگىز جوق. ويتكەنى بۇگىنگى ۋا­قىت – تەحنولوگيالاردىڭ جان-جاقتى, كەڭىنەن دا­مى­عان ۋاقىتى. مۇنداي جاعدايدا كەز كەلگەن ءماتىندى ءبىر الىپبيدەن ەكىنشىسىنە اۆتوماتتى تۇردە اۋدارا سا­لۋدىڭ ەشقانداي قيىندىعى جوق. ءارى بۇعان مۇم­كىن­دىكتەر دە جەتكىلىكتى. 

قازىرگى كەزدە جاڭا الىپبيگە كوشۋ ماسەلەسىنە وراي العاشقى ازىرلىك جۇمىستارىن جان-جاقتى ورىستەتۋ قا­جەتتىلىگى تۋىنداپ وتىر. وسىعان بايلانىستى وڭىردە ارنايى قۇرىلعان جۇمىس توبىنىڭ مۇشەلەرى ءتيىستى تالداۋلار مەن زەرتتەۋلەر جۇرگىزۋ ءىسىن قولعا الدى. ونىڭ العاشقى ناتيجەلەرى دە جوق ەمەس. ايتالىق بۇگىنگى كۇننىڭ ەڭ وزەكتى ماسەلەسى لاتىن الىپبيىنە كو­شۋ بولسا, بۇل ورايدا س.بايىشەۆ اتىنداعى كىتاپ­حا­نادا جوبالىق كەڭسە قۇرىلعان. مۇنداعى باستى ماقسات لا­تىن الىپبيىنە كوشۋدى جان-جاقتى ناسيحاتتاۋ بولىپ وتىر. وسى ورايدا ا.بايتۇرسىن ۇلى اتىنداعى ءتىل ءبىلىمى ينستيتۋتى جانە ش.شاياحمەتوۆ اتىنداعى تىل­دەردى دامىتۋدىڭ رەسپۋبليكالىق ۇيلەستىرۋ ادىس­تە­مەلىك ورتالىعىمەن ءتيىستى بايلانىستار ورناتىلدى. سونىمەن بىرگە حالىقتىڭ ۇسىنىس-پىكىرلەرىنە قۇ­لاق ءتۇرىپ, لاتىن ءالىپبيى جۇيەسىنە كوشۋدىڭ نەگىزگى يدەو­لوگياسىنىڭ دۇرىس قابىلدانۋىنا ىقپال ەتۋ تە­تىك­تە­رىن ويلاستىردىق. قازىرگى كۇنى ادىستەمەلىك-سەمينار كە­ڭەستەر, الەۋمەتتىك اكتسيالار, ترەنينگتەر, دوڭگەلەك ۇستەلدەر وتكىزۋ ۇستىندەمىز. 

الەۋمەتتىك جەلىلەردە ارنايى اككاۋنت جانە سۇ­راق-جاۋاپ ايدارلارى ۇيىمداستىرىلدى. احۋالعا قا­تىستى مونيتورينگتىك تالداۋلار مەن ساراپتامالار جاسالدى. قازىر وبلىستىڭ 12 اۋدانىندا ءتيىستى تۇ­سىنىك جۇمىستارى جۇرگىزىلىپ كەلەدى. بۇگىنگى كۇنى ءوڭىر تۇرعىندارىنىڭ 67,2 پايىزى لاتىن گرافيكاسى­نا كوشۋگە قولداۋ كورسەتتى. بۇل ناتيجەلەر كوڭىلدى قا­نا­عات­تاندىراتىنداي دەڭگەيدە ەكەندىگى دە ءبىر مەرەي. 

ءبىر سوزبەن ايتقاندا, جاڭا الىپبيگە كوشۋ – قازاق ءتى­­لىنىڭ و باستاعى تازالىعى مەن تۇنىقتىعىن قاي­تا­دان قالپىنا كەلتىرەدى دەگەن ويدامىز. ەڭ باستىسى, بۇل ۇدەرىس جاھاندىق وركەنيەت كوشىنەن ورىن الۋى­مىز­دىڭ ءبىر تۇتقاسى بولماق. 

گۇلايىم تولەباەۆا, اقتوبە وبلىستىق تىلدەردى دامىتۋ  باسقارماسىنىڭ باسشىسى, مەملەكەتتىك ءتىلدى لاتىن قارپىنە كوشىرۋ جونىندەگى وڭىرلىك جۇمىس توبى جەتەكشىسىنىڭ ورىنباسارى

اقتوبە