ەركىن ەلدىڭ ەرىكتى تاڭداۋى

بارشا قازاقستاندىق جاس­تار ەلباسى نۇرسۇلتان نازارباەۆتىڭ قۇن­دىلىعى زور باعدارلامالىق ماقا­لا­سىنان ۇلكەن جىگەر, بولاشاققا دەگەن سەنىم الدى! پرەزيدەنتىمىز «سىناپتاي سىرعىعان ۋاقىت ەشكىمدى كۇتىپ تۇرمايدى, جاڭعىرۋ دا تاريحتىڭ ءوزى سياقتى جالعاسا بەرەتىن پروتسەسس» دەپ جاستاردى زامان تالابىنا ساي جان-جاق­تى بولۋعا ۇندەدى. «بولاشاققا باع­دار: رۋحاني جاڭعىرۋ» ماقالاسى ارقىلى ن.ءا.نازارباەۆ دامىعان 30 ەل­دىڭ قاتارىنا قوسىلۋ جولىندا جاس­تاردىڭ قوسار ۇلەسى وراسان زور ماڭىزعا يە ەكەندىگىن باسا كورسەتتى. ۇلت­­تىق قۇندىلىقتاردى دارىپتەۋ ار­قا­­شان انا ءتىلدى قاستەرلەۋدەن باستاۋ الا­دى. الەمدەگى يننوۆاتسيالىق جاڭا­شىل­دىقتاردىڭ بارلىعى ەڭ الدىمەن لاتىن گرافيكاسىندا شىعادى. ياعني  بۇل اقپاراتتى تەحنولوگيالاردى جەتىك مەڭگەرگەن جاستارعا ىڭعايلى ءتاسىل ەكەنى انىق.

 لاتىن الىپبيىنە كوشۋ – ءبىزدىڭ تاۋەلسىز ەلىمىزدىڭ ەرىكتى تاڭداۋى. قازاق حالقىنىڭ ءيىرىمى مول, قۇنارلى ءتىلى وزگەرىسكە دە وتە يكەمدى. بۇگىنگىدەي قاي­­تا جاڭعىرۋ تالابى قويىلىپ وتىر­عان­دا, عىلىم مەن تەحنيكانىڭ كوز ىلەس­پەس جىلدامدىقپەن دامىپ بارا جات­ق­ان كەزەڭىندە پايدا بولىپ وتىر­عان جاڭا تەرميندەر مەن اتاۋلار ءدال وسى لاتىن تاڭباسىنا قولايلى ەكەنىن اڭداتىپ وتىر. قازىرگى زاماناۋي عىلىمنىڭ ءتىلى دە لاتىن قارپىمەن تىكەلەي بايلا­نىس­تى. اعىلشىن ءتىلىنىڭ ۇستەمدىگى داۋ­ىرلەپ وتىرعان زاماندا اقپارات پەن ادەبيەتتىڭ ءتىلى دە وسى لاتىن بولىپ وتىر, جەر-جاھاننىڭ حال­قى تەحنيكا مەن رۋحانياتتىڭ جاڭا­لى­عىن وسى تاڭبا ارقىلى تۇسىنەدى. ەن­دەشە بۋ­ىرقانىسقا تولى بۇگىنگىدەي جاھان­دا­نۋ ۇدەرىسىنەن قازاق قوعامى دا سىرت قالا المايدى. 24 ساعات ءومىرى كومپيۋتەرمەن بايلانىستى جاستاردىڭ لاتىن ءارپىن اۋىرسىنباي قابىلداپ, قول­دايتىنىنا ەش كۇمانىم جوق. جاڭا بيىك­كە سەكىرىس جاساعالى تۇرعان بۇل قا­دا­منىڭ قازىنالى ءتىلىمىزدى ودان ءارى باي­ىتىپ, قولدانىس اياسىن كەڭەيتە تۇ­سەتىنى ءسوزسىز.

ەركەبۇلان دايىروۆ,

اكتەر, قازاقستان جاستار وداعى «سەرپەر» جاستار سىيلىعىنىڭ لاۋرەاتى

الماتى