وسى جىلدىڭ قازان ايىنىڭ 2-4 ارالىعىندا ەلىمىزدىڭ باس قالاسىندا زاڭسىز كوشى-قون ماسەلەسىن بولدىرماۋعا بايلانىستى «نەلەگال» جەدەل-پروفيلاكتيكالىق شاراسى ءجۇرىپ جاتىر, دەپ حابارلايدى قالالىق اكىمدىكتىڭ ءباسپاسوز قىزمەتى.
استانا قالالىق ءىىب-نىڭ اقپاراتى بويىنشا جەدەل شارا شەتەلدىك ازاماتتاردىڭ قازاقستاننىڭ كوشى-قون زاڭناماسىن ساقتاۋىنا جانە باس قالامىزدا زاڭسىز جۇرگەن شەتەل ازاماتتارىن انىقتاۋعا باعىتتالعان.
جەدەل-پروفيلاكتيكالىق شارا بارىسىندا پوليتسەيلەر شەتەلدىك ازاماتتار تۇراتىن جانە كوپ جينالاتىن جەرلەردە رەيدتىك تەكسەرۋلەر جۇرگىزۋدە. اتاپ ايتساق: ساۋدا, قۇرىلىس الاڭدارى, جاتاقحانا جانە ساياجايلار.
ءبىر كۇندىك جپش كەزىندە 352 اكىمشىلىك قۇقىق بۇزۋشىلىق انىقتالعان, 333 شەتەلدىك ازامات اكىمشىلىك جاۋاپكەرشىلىككە تارتىلىپ, 38-ءى سوت شەشىمىمەن ەلدەن شىعارىلعان.
سونىمەن قاتار, جپش كەزىندە ەلىمىزدە ارىقاراي قالۋىنا نەگىز جوق جانە كوشى-قون زاڭناماسى ءتارتىبىن ساقتاماعان 159 شەتەلدىك ازاماتتىڭ ۋاقىتشا تىركەلۋ مەرزىمى قىسقارتىلعان. شەتەلدىك ازاماتتاردى ۋاقىتشا تىركەۋ زاڭناماسى ءتارتىبىن ساقتاماعان 11 جانە شەتەلدىك جۇمىس كۇشىن زاڭسىز قولدانعان 8 قازاقستان ازاماتى اكىمشىلىك جاۋاپكەرشىلىككە تارتىلعان.
شارا بارىسىندا پوليتسەيلەر تولقۇجاتى جوق 51 تاياۋ شەتەل ازاماتىن ۇستاپ, ولاردىڭ ازاماتتىعى مەن جەكە تۇلعاسى انىقتالعانشا سوت شەشىمىمەن ءىىب-نىڭ ارنايى قابىلداۋ-تاراتۋ ورنىنا جىبەرىلگەن.