بۇگىن ورتالىق كوممۋنيكاتسيالار قىزمەتىندەگى ءباسپاسوز كونفەرەنتسياسىندا Google Translate جۇيەسىندە قازاق تىلىندە اۋىزشا اۋدارما جاساۋعا مۇمكىندىك بەرەتىن Voice-to-Text قىزمەتى تانىستىرىلدى.
Voice to text - اۋىزشا ايتىلعان ءسوزدى ءمəتىن مەن دىبىس تۇرىندە اۋدارۋعا مۇمكىندىك بەرەتىن, دىبىستى تانۋ جۇيەسى ارقىلى جۇزەگە اسىرىلاتىن تەحنولوگيا. وسى رەتتە ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحان ۇلى جاڭادان قولعا الىنعان جۇيە بويىنشا الدا اتقارىلاتىن جۇمىستارعا توقتالدى.
"قازاق ءتىلىنىڭ 15 تومدىق تۇسىندىرمە سوزدىگى بار. وسى سوزدىكتەگى بارلىق ءسوز تىركەستەرى مەن سوزدەر قازاق تىلىندە دىبىستالۋى كەرەك. بۇل جۇمىسقا Beeline كومپانياسى 4 ملن تەڭگە ءبولىپ وتىر. كەيىن دىبىستالعان فايلداردىڭ بارلىعى ساپالى تۇردە وڭدەلىپ, Google كومپانياسىنا جىبەرىلەدى. ولار ءبىز جىبەرگەن ماتەريالداردى قايتادان وڭدەپ, جۇيەگە ەنگىزەدى. ودان كەيىن بىرتىندەپ اۋدارما نۇسقاسىن بەرەدى. ول نۇسقالاردى ءبىز باعالاپ بولعاننان كەيىن اتالعان جوبا ىسكە قوسىلادى. وسى جۇمىستىڭ بارلىعىنا شامامەن ەكى جىل ۋاقىت كەتەدى دەپ جوسپارلاپ وتىرمىز", - دەدى راۋان كەنجەحان ۇلى.
كونفەرەنتسيا بارىسىندا Beeline قازاقستان كومپانياسىنىڭ كورپوراتيۆتىك كوممۋنيكاتسيا ديرەكتورى الەكسەي بەندز Google كومپانياسى اتالعان جوباعا جان-جاقتى كومەك كورسەتىپ, قازاقستاندىق تاراپتان جاسالعان ۇسىنىستى بىردەن قولداعانىن اتاپ ءوتتى. "بىرنەشە جىل بۇرىن ءبىز Google Translate جۇيەسىنە قازاق ءتىلىن قوسۋعا ۇسىنىس بىلدىرگەندە, ولار ءبىزدى بىردەن قولداي كەتكەن جوق. جاسىراتىن ەشتەڭە جوق دەپ ويلايمىن. قازاقستاندا حالىق سانى از. ياعني, جاھاندىق كومپانيا ءۇشىن قىزىعۋشىلىق تۋدىرماعانىمىز بەلگىلى. بىراق ولار بىزگە قۇرال بەرىپ, كراۋدسورسينگ ارقىلى وزدەرىڭىزگە كومەكتەسە الاتىن ادامدار تاۋىپ, ىستەپ كورىڭىزدەر دەدى. قولىمىزدان كەلسە, ءبىزدى قابىلدايتىندارىن ايتتى. بىراق, بىرنەشە اپتادا قازاق تىلىنە مىڭداعان ءسوز ەنگىزىپ, ءبىر جىلداعى جۇمىس نəتيجەسىندە قازاق ءتىلى Google Translate جۇيەسىنە قوسىلعان بولاتىن. ال Voice-to-text جۇيەسىنە قازاق ءتىلىن قوسۋ تۋرالى ۇسىنىسىمىزدى كومپانيا بىردەن قابىلدادى", دەدى الەكسەي بەندز. ونىڭ ايتۋىنشا, اۋىزشا اۋدارما قىزمەتىنىڭ ماڭىزى زور. "قازاق تىلىنەن كەيىن Google Translate جۇيەسىنە 14 ءتىل ەنگىزىلگەن. وعان ءبىزدىڭ تəجىريبەمىزدىڭ əسەر ەتكەنى ءبىز ءۇشىن زور ماقتانىش", دەيدى ا.بەندز.
ەستەرىڭىزگە سالا كەتسەك, Google Translate جۇيەسىندە بۇگىنگى تاڭدا 103 ءتىل بار. ونى كۇنىنە əلەم بويىنشا 200 ملن ادام قولدانادى. ال اۋىزشا اۋدارۋ قىزمەتى 32 تىلدە جۇمىس ىستەيدى.
گۇلنۇر قۋانىشبەكقىزى,
"ەگەمەن قازاقستان"