استانادا «قازاقستان - كورەيا دوستىق باعى» اشىلدى. جاڭا ساياباق ايماعى قازاقستان جانە كورەيا حالىقتارى اراسىنداعى دوستىق سيمۆولى بولادى, دەپ حابارلايدى قالا اكىمدىگىنىڭ ءباسپاسوز قىزمەتى.
اشىلۋ سالتاناتىنا استانا اكىمى اسەت يسەكەشەۆ, اۋىل شارۋاشىلىعى ۆيتسە-ءمينيسترى ەرلان نىسانباەۆ, قازاقستان رەسپۋبليكاسىنداعى كورەيا ەلشىسى كيم دەسيك, قر پارلامەنت دەپۋتاتتارى, قازاقستان حالقى اسسامبلەياسىنىڭ مۇشەلەرى, مەملەكەتتىك ورگانداردىڭ مۇشەلەرى, ەتنومادەني بىرلەستىكتەر, جاستار ۇەۇ جانە باسقالار قاتىستى.
«قازاقستان - كورەيا دوستىعى باعى» جوباسى پرەزيدەنت نۇرسۇلتان نازارباەۆپەن كورەيا رەسپۋبليكاسىنىڭ پرەزيدەنتىنىڭ 2014 جىلعى ساپارى كەزىندە كەلىسىلگەن ارىپتەستىك جوباسى بولىپ تابىلادى. كورەيا ۇكىمەتى ساياباعىنىڭ قۇرىلىسىنا 1,7 ملن دوللار ينۆەستيتسيالاندى.
«قازاقستان- كورەيا دوستىعى باعى» ساياباعى – بۇل «اراي» ساياباعىمەن شەكتەسەتىن رەكرەتسيالىق ايماق, وندا كورەيانىڭ ۇلتتىق كولوريتىن ساۋلەتتىك كەڭىستىكتىڭ قۇرىلىمىنىڭ ناتيجەسىندە سەزىنۋگە بولادى. ساياباقتىڭ باستى اتريبۋتى «دوستىق قوڭىراۋحاناسى» بولىپ تابىلادى. كورەيادا جىلدىڭ باسى جانە اياعى قوڭىراۋلاردىڭ سوعىلۋىمەن جالعاسادى. ساۋلەتتىك قۇرىلىس ەكى ەل اراسىنداعى دوستىقتى بىلدىرەدى. ساياباققا كەلۋشىلەر ايناداي توعان, گۇلزار, كورەي حالقىنىڭ ءداستۇرلى ساۋلەتىن كورە الادى. سونداي-اق, كورەي ورمانى بەينەلەنگەن ورمان شارۋاشىلىعى باعىن كورۋگە بولادى. جاڭا كورىكتى جەر استانانىڭ اراي جانە جاۋقازىن كوشەلەرى (شۇبار مەشىتى اۋدانى) بويىنشا ورنالاسقان.
سالتاناتتىڭ اياقتالۋىندا كورەيا رەسپۋبليكاسىنىڭ قازاقستان رەسپۋبليكاسىنداعى ەلشىسى كيم دەسيك مىرزا ەكى حالىق اراسىنداعى دوستىقتىڭ جاڭا سيمۆولى تۋرالى ءوزى شىعارعان ولەڭىن وقىدى. قۇرمەتتى قوناقتار باق اۋماعىنا كورەيانىڭ ۇلتتىق گ ۇلى – گيبيسكۋستى وتىرعىزدى.