س.ج.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىندە «لاتىن ءالىپبيى: رۋحاني تاۋەلسىزدىك جولى» اتتى ءىس-شارا ءوتتى.
«مەملەكەتتىك ءتىل – مەنىڭ بولاشاعىم» اقپاراتتىق ناسيحاتتاۋ شاراسى اياسىندا تانىمدىق ۇلگىدەگى ستۋدەنتتەر اراسىنداعى ءوزارا وي قوزعاعان, پىكىر بولىسكەن قىزىقتى كەش بولدى. كەشتى جوعارى وقۋ ورنىنىڭ ەتيكالىق كەڭەسىنىڭ ءتورايىمى, پروفەسسور جانار مۇستافينا كىرىسپە سوزبەن اشتى. بيىلعى وقۋ جىلىنداعى ستۋدەنتتەرگە ەرەكشە جىلىلىق سىيلاعان, كوڭىلدى تەربەتكەن ءسوز بولدى. «ەجەلگى تىلدەر جايلى اڭگىمە قوزعالعاندا, ەڭ الدىمەن ەسكى لاتىن مەن گرەك تىلدەرى كەلەدى. ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسىن وقىپ, جاقسى اسەر الدىم. ەلباسى ءوز ويلارىن تۇيىندەپ, اڭگىمەنى ۇلتتىق سانادان باستايدى.
نەگىزىنەن ۇلتتىق ساناعا اسەر ەتەتىن قۋاتتى كۇش انا تىلىنەن باستاۋ الادى. ءتىلىمىزدى لاتىن الىپبيىنە كوشىرۋ ماسەلەسىن حالىق تالقىسىنا ۇسىنۋى مەن ءۇشىن دە شات-شادىمان ءسات دەپ بىلەمىن. لاتىن ءالىپبيى ەل بولاشاعى جولىنداعى جارقىن ساتتەرىمىزدىڭ ارايلى كەزەڭدەرىنىڭ كورىنىسى رەتىندە ەرەكشەلەنەتىن كەز بولىپ قالا بەرسە كەرەك. بۇگىنگى جاستار, مىنا سىزدەر ءۇشىن عىلىمي يننوۆاتسيا كەزىندە لاتىن ارىپتەرىن وقىپ, جازا الاتىن ءداۋىردىڭ اشىلعانى كوڭىلگە قۋانىش ۇيالاتادى. مۇنىڭ ءوزى ەرتەڭگە دەگەن ۇلكەن سەنىم, جاستارعا بەرىلىپ وتىرعان ۇلكەن مۇمكىندىك. لاتىنشا جازا الاتىن ەرتەڭگى دارىگەر تولىققاندى مامان دەپ بىلەمىن. ادامدىق فاكتوردىڭ ۇلى وزگەرىستەرىنىڭ ءبىرى دەپ سەزىنەمىن», دەدى ج.مۇستافينا.
ءوز كەزەگىندە «حالىقارالىق تەرميندەردى لاتىن الىپبيىمەن جازۋ» ماسەلەلەرى جونىندە قازاق ءتىلى جانە كاسىبي قازاق ءتىلى كافەدراسىنىڭ دوتسەنتى تولەۋبەك زايسانباەۆ ايتىپ بەردى.
سونىمەن قاتار ول ەلباسى ماقالاسىندا ايتىلعان لاتىن الىپبيىنە كوشۋ ماسەلەسى جانە «تۋعان جەر» باعدارلاماسىن قابىلداۋ جونىندەگى ۇسىنىسىنىڭ ايرىقشا ماڭىزدىلىعىنا توقتالىپ ءوتتى. «لاتىن ءالىپبيى: ارتىقشىلىعى جانە باسىم باعىتتارى» جايىندا تارتىمدى اڭگىمەلەر ايتقان «قازاق ءتىلى جانە كاسىبي قازاق ءتىلى» كافەدراسىنىڭ وقىتۋشىسى نازىم تولەەۆانىڭ اڭگىمەسىن جاستار ۇيىپ تىڭدادى. لاتىن الىپبيىنە كوشۋ ۋاقىت تالابى ەكەنىن بىلدىرەدى. جاستاردىڭ وقۋىنا تىڭ سەرپىن بەرەتىنىن اڭعارتقان ەرەكشە قۇبىلىستىڭ بارىن سەزىنگەن ستوماتولوگيا فاكۋلتەتىنىڭ دەكانى مەديتسينا عىلىمدارىنىڭ كانديداتى, دوتسەنت باقاناي امانتاەۆ كەشتى ورنىقتى ويلارمەن قورىتىندىلادى.
ساپارباي پارمانقۇل, «ەگەمەن قازاقستان»
الماتى