بيىلعى جىلدىڭ كوكتەمىندە حالىقارالىق يۋنيسەف بالالار قورى مەن «قۇقىقتىق مەديا-تسەنتر» ورتالىعىنىڭ ۇيىمداستىرۋىمەن بالالار ماسەلەسىن كوتەرگەن جۋرناليستەر اراسىندا بايقاۋ جاريالانعان بولاتىن.
جۋىردا اتالمىش بايقاۋدىڭ قورىتىندىسى شىعارىلىپ, ءباسپاسوز بەتتەرىندە جاريالانعان 200-دەن استام ماقالا مەن تەلە-راديو باعدارلامالار اراسىنان ۇزدىك دەپ تانىلعان ماتەريالدار انىقتالدى.
«باسپاسوزدەگى ۇزدىك ماقالا» نوميناتسياسى بويىنشا «ەگەمەن قازاقستاننىڭ» تۇراقتى اۆتورى شارافات جىلقىباەۆا گازەتتە جاريالانعان ماقالالارى ءۇشىن يۋنيسەف-ءتىڭ ارنايى مەدالىمەن ماراپاتتالدى. ءبىز ارىپتەسىمىزدى جۇلدەسىمەن قۇتتىقتاي وتىرىپ, شىعارماشىلىق جەتىستىكتەر تىلەيمىز.
«ەگەمەن قازاقستان» ۇجىمى