قازاقستاندا جازاعا كەسىلگەن 6 مىڭ ادامعا ەلەكتروندى بىلەزىك تاعىلادى. بۇل تۋرالى بۇگىن پارلامەنت ماجىلىسىندەگى ۇكىمەت ساعاتىندا قر ىشكى ىستەر ءمينيسترى قالمۇحانبەت قاسىموۆ ءمالىم ەتتى, دەپ حابارلايدى قازاقپارات.
«پروباتسيالىق باقىلاۋدا تۇرعاندارعا قاتىستى ەلەكتروندى مونيتورينگتى ەنگىزۋ مەن پايدالانۋ شارالارى ەسكەرىلگەن. بۇل تۇرعىدا «ەلەكتروندى بىلەزىكتەردى» ەنگىزۋ قاراستىرىلعان. وسى قۇرىلعىنىڭ كومەگىمەن باقىلاۋدا جىل سايىن 6 مىڭ ادام بولادى», دەدى مينيستر باس بوستاندىعىنان ايىرۋ ورىندارىنان بوساتىلعان جانە پروباتسيا قىزمەتىندە ەسەپتە تۇرعان ازاماتتاردى الەۋمەتتىك وڭالتۋدىڭ 2017-2019 جىلدارعا ارنالعان كەشەندى ستراتەگياسىن ىسكە اسىرۋ تاقىرىبىنداعى ۇكىمەت ساعاتىندا.
ونىڭ سوزىنە قاراعاندا, جازاعا تارتىلعان ادامداردىڭ بەكىتىلگەن رەجىمدى بۇزۋعا باعىتتالعان كەز كەلگەن تالپىنىسى جەدەل تۇردە قىزمەتكەرلەر تاراپىنان ايقىندالاتىن بولادى.
«مينيسترلىك دايارلاعان جوبا قازىرگى كەزدە مۇددەلى مەملەكەتتىك ورگاندارمەن كەلىسىلىپ جاتىر. الداعى جىلدان باستاپ مەملەكەتتىك-جەكەمەنشىك سەرىكتەستىك اياسىندا جوبانى جۇزەگە اسىرۋعا كىرىسپەكپىز», دەدى قاسىموۆ.