«حابار» ارناسىنداعى «داۋرەن اباەۆپەن اشىق ديالوگ» باعدارلاماسىندا مينيستر «تسيفرلىق قازاقستان» باعدارلاماسىنا قاتىستى جۇرگىزىلىپ جاتقان جۇمىسقا توقتالىپ ءوتتى.
«مەملەكەت باسشىسى بىزگە بۇل باعدارلامانى تاعى جەتىلدىرۋ ءۇشىن ۋاقىت بەردى. بۇنىڭ ارقاسىندا باعدارلامانىڭ جۇمىسى ءتيىمدى بولا تۇسەدى دەپ سەنەمىن. ءيا, ءبىزدىڭ مينيسترلىك ءۇشىن, بۇكىل ۇكىمەت ءۇشىن «تسيفرلىق قازاقستان» باعدارلاماسىنىڭ ماڭىزى وتە زور. جىلدىڭ باسىندا مەملەكەت باسشىسى بۇل تۋرالى ايتا كەلە بىزگە تاپسىرما بەردى. وسى ۋاقىتتا ءبىز حالىقارالىق كونسۋلتانتتارمەن بىرگە باعدارلامانى تىڭعىلىقتى زەرتتەدىك. بارلىق مەملەكەتتىك ورگاندار جۇمىلدىرىلدى. تسيفرلاندىرۋ ماسەلەسى تەك اقپارات جانە كوممۋنيكاتسيالار مينيسترلىگىنە عانا ەمەس, اۋىل شارۋاشىلىعى, دەنساۋلىق ساقتاۋ, ينۆەستيتسيالار جانە دامۋ مينيسترلىگىنە, قۇقىق قورعاۋ ورگاندارىنا دا قاتىستى بولادى. پرەمەر-مينيستر باعدارلامانى ءجىتى تانىستىرىپ, قانداي باعىتتا جۇمىس جۇرگىزۋ كەرەكتىگىن ايتتى. ءبىز باعدارلامانىڭ ءساتتى جۇزەگە اسىرىلۋىنا كۇش سالۋىمىز كەرەك», دەيدى داۋرەن اباەۆ.
ال باعدارلامانىڭ جۇزەگە اسىرىلۋ ۋاقىتى نەلىكتەن جىلدىڭ سوڭىنا شەگەرىلدى دەگەن سۇراققا مينيستر بىلاي دەپ جاۋاپ بەردى:
«ەلباسى ەرەكشە ماڭىز بولۋگە تۇرارلىق بىرقاتار تۇستاردى بايقاپ قالعان بولۋى كەرەك. 2-3 ايلىق ۋاقىت جۇزەگە اسىرۋ تۇرعىسىنان شەكتى مەرزىم ەمەس. باستىسى - وسى ارالىقتا باعدارلاما تولىققاندى جەتىلدىرىلۋى ءتيىس», دەپ مالىمدەدى مينيستر اباەۆ.
سونىمەن قاتار, باعدارلاما بارىسىندا مينيستر 9-10 قىركۇيەك ارالىعىندا استانادا وتكەن يسلام ىنتىماقتاستىق ۇيىمىنىڭ سامميتىنە ەرەكشە توقتالىپ ءوتتى. ونىڭ پايىمداۋىنشا, يىۇ ءسامميتىنىڭ مارتەبەسى ەقىۇ ءسامميتىنىڭ مارتەبەسىنەن ارتىق بولماسا, كەم تۇسپەيدى.