بۇگىن وڭتۇستىك قازاقستان وبلىسى اكىمىنىڭ ورىنباسارى ۇلاسبەك سادىبەكوۆ استانا قالاسىندا وتكەن «ەكسپو-2017» حالىقارالىق مامانداندىرىلعان كورمەسىنە وبلىسىمىزدان قاتىسقان ەرىكتى جاستارمەن كەزدەستى, دەپ حابارلايدى وبلىستىڭ ءباسپاسوز قىزمەتى.
كەزدەسۋ بارىسىندا ۇلاسبەك سادىبەك ۇلى كورمەنىڭ جوعارى دەڭگەيدە وتكىزىلۋىنە ءوز ۇلەستەرىن قوسقان ەرىكتى جاستارعا وبلىس اكىمىنىڭ العىس حاتىن تابىستاپ, ارنايى سىيلىقتارمەن ماراپاتتادى.
«ەكسپو كۇندەرىندە 6 مىڭنان استام ءتۇرلى دەڭگەيدەگى ءىس-شارالار وتكىزىلدى. ەكسپو كورمەسىن وتكىزۋ ارقىلى ءبىزدىڭ ەل «جاسىل» تەحنولوگيالاردى دامىتۋ يدەياسىنا بەرىك ەكەنىن تاعى دا دالەلدەي ءتۇستى. ماۋسىمنىڭ 10 مەن قىركۇيەكتىڭ 9 ارالىعىندا ەكسپو-2017 حالىقارالىق مامانداندىرىلعان كورمەسىنە 5 ملن. استام ادام كەلگەن. ونىڭ ىشىندە 151 مىڭ وبلىس تۇرعىندارى بولسا, سونىڭ ىشىندەگى 15 مىڭى وبلىس جاستارى», - دەدى ۇلاسبەك سادىبەك ۇلى.
2015 جىلدان باستاپ وبلىسىمىزدىڭ بارلىق اۋدان, قالالارىندا ەكسپو-2017 حالىقارالىق كورمەسىنە ەرىكتىلەردى دايارلاۋ ماقساتىندا ناسيحاتتاۋ جۇمىستارى جۇرگىزىلىپ, كوپتەگەن سەمينار-ترەنينگتەر وتكىزىلدى. جالپى شەتەلدەن كەلەتىن قوناقتار مەن تۋريستەرگە ەلىمىز بويىنشا 3 مىڭنان اسا ەرىكتى قىزمەت كورسەتسە, سونىڭ 150-ءى وقو جاستارى. ونىڭ ىشىندە 73 ۇل, 77 قىز بالاسى.
ناقتىلاپ ايتقاندا, شىمكەنت قالاسىنان 100, تۇركىستان قالاسىنان 37, كەنتاۋ قالاسىنان 8, ماقتارال اۋدانىنان 5 جاس ىرىكتەلىپ الىنعان بولاتىن. ەرىكتى جاستار 30 ماۋسىم كۇنى استانا قالاسىنا جولعا شىعىپ, 1 شىلدەدەن - 5 تامىز كۇنى ارالىعىندا ياعني ءبىر اي بويى شەتەلدەن كەلگەن قوناقتارعا 3 تىلدە (قازاقشا, ورىسشا, اعىلشىنشا) ساپالى قىزمەت كورسەتكەن. 150 ەرىكتى جاس نەگىزىنەن قاۋىپسىزدىك, مەرەكەلىك ءىس-شارالار, بيلەتتەۋ, حاتتاما, قوعاممەن بايلانىس, سەرىكتەستەر مەن دەمەۋشىلەر, ەكسپو قالاشىق, مەديتسينا, اككرەديتاتسيا سەكىلدى باعىتتاردا جۇمىس ىستەگەن. ال, 15 ەرىكتى جاس ەكسپو-2017 پاۆيليونىندا اقىلى تۇردە جۇمىس ىستەۋگە مۇمكىندىك العان.