قىزىلورداداعى شىنى زاۋىتى كەلەسى جىلى ىسكە قوسىلادى

مينيسترگە استانا قالاسى ءماسليحاتىنىڭ دەپۋتاتتارىنان سۇراق كەلىپ ءتۇستى. ساۋال نەگىزىندە قازاقستاندا قۇرىلىس سالاسىنىڭ قارقىندى تۇردە جۇرگىزىلىپ جاتقانىنا قاراماستان, وكىنىشكە قاراي, شىنى شىعاراتىن زاۋىت جوقتىعى ايتىلدى.

ء«سىز كورسەتكەن سلايدتا الماتى وبلىسىندا شىنى زاۋىتى تۋرالى كورسەتىلدى. بىراق, 5 جىل بۇرىن قىزىلوردا وبلىسىندا شىنى شىعاراتىن زاۋىتتىڭ قۇرىلىسى باستالعان بولاتىن. ءبىز ونى كۇتتىك. ەكسپو-نى وتاندىق اينەكتەرمەن جاسايمىز دەپ تە ۇمىتتەنگەنبىز. مەن وسى رەتتە قىزىلورداداعى اينەك شىنى تۋرالى سۇراق قويعىم كەلەدى. زاۋىت قۇرىلىسى قاي دەڭگەيدە جانە ءبىز وتاندىق اينەكتەردى قۇرىلىستا قاشان قولدانا باستايمىز؟ سەبەبى, قازىرگى ۋاقىتتا اينەكتى ءبىز يمپورتتاپ وتىرمىز», - دەدى قالالىق ءماسليحاتتىڭ وكىلى. اتالعان سۇراق بويىنشا مينيستر ءتيىستى جۇمىستار اتقارىلىپ جاتقانىنان ءمالىم ەتتى. 

«الماتى ستەكلو» تاماق ونەركاسىبىنە ارنالعان كاسىپورىن. ال ءسىز ايتقان قىزىلورداداعى كاسىپورىن بويىنشا وزدەرىڭىز بىلەتىندەي ماسەلە بولعان. وسى جىلدىڭ باسىندا بىرقاتار جۇمىستار توقتاتىلعان. بىراق, بۇگىنگى كۇنى ءۇردىس قايتا جاندانا باستادى. قۇرىلىس كومپانيالارى, دەمەۋشىلەر مەن اقشا بولگەلى وتىرعان بانكتەر جۇمىسىن قايتا باستاپ كەتتى. كەلەسى جىلدىڭ العاشقى جارتىجىلدىعىندا زاۋىت جۇمىسىن باستايدى دەپ كۇتىپ وتىرمىز», - دەدى جەڭىس قاسىمبەك.