«بايقوڭىر» كينوفەستيۆالى وسىمەن ەكىنشى رەت وتكىزىلىپ وتىر. فەستيۆالدىڭ باستى ماقساتى – جاس كينەماتوگرافيستەردىڭ تىرناقالدى تۋىندىلارىن كورەرمەنگە تانىستىرۋ جانە وتاندىق قىسقامەتراجدى فيلمدەردى ناسيحاتتاۋ.
فەستيۆالدىڭ ۇزدىكتەرىن انىقتاۋعا قاتىسقان قازىلار القاسى مۇشەلەرىنىڭ ىشىندە قازاقستان كينەماتوگرافيستەر وداعىنىڭ توراعاسى احات يبراەۆ, «قازاقفيلم» كينوستۋدياسى جانىنداعى «دەبيۋت» شاعىن وندىرىستىك بىرلەستىگىنىڭ باسشىسى انار قاشاعانوۆا, رەجيسسەر جاڭابەك جەتىرۋوۆ, قويۋشى-سۋرەتشى ومىرزاق شمانوۆ جانە باسقالارى بار.
ەكى كۇنگە سوزىلعان «بايقوڭىر» قىسقا مەتراجدى فيلمدەر فەستيۆالىنىڭ قورىتىندىسى بويىنشا, تومەندەگى فيلمدەر توپ جارىپ شىقتى. ولار: «مالىبايداعى وقيعا» ءۇشىن تۇران مۇرال «ۇزدىك وپەراتور», «كۋب» ءفيلمى ءۇشىن بەكەن نارباي «ۇزدىك قويۋشى-سۋرەتشى», – «6 پاتەردىڭ» اۆتورى ولجاس احمەتوۆ «ۇزدىك ستسەناري», ءسابيت ءابدىنىڭ «عايشا» ءفيلمى «ۇزدىك ەكسپەريمەنتالدى فيلم», جايىق بەلقوجاەۆتىڭ «مەن ورالدىم» ءفيلمى «ۇزدىك دەرەكتى فيلم», توعجان بايساباەۆانىڭ «سيقىرلى باقشاسى» «ۇزدىك انيماتسيالىق فيلم» بولىپ تانىلدى. پەريزات مادەنوۆا «ۇزدىك اكتريسا», ەربولات ەرجانوۆ «ۇزدىك اكتەر» اتاندى. «قازىلار القاسىنىڭ ارنايى جۇلدەسى» سامعار راقىمنىڭ «مالىبايداعى وقيعا» فيلمىنە بۇيىردى.
اتاۋى ايتىپ تۇرعانداي, رۋحى بيىك, ءبىلىمدى بولا تۇرا, باسپانانىڭ ازابىن تارتقان ەكى جاس الىپ شاھاردان پاتەر ىزدەپ ءجۇرىپ, ءتۇرلى ادامدارمەن بەتپە-بەت كەلىپ, شىتىرمان وقيعالارعا تاپ بولادى. بۇگىنگى قوعامنىڭ شىندىعىن تراگيكومەديا ارقىلى جەتكىزگەن رەجيسسەر ەربول بورانشىنىڭ «پاتەر» ءفيلمى كامبودجاداعى ءVى-حالىقارالىق Chaktomuk قىسقامەتراجدى فيلمدەر فەستيۆالىنىڭ ىرىكتەۋىنەن ءوتىپ, نەگىزگى باعدارلاماسىندا باق سىنايدى. فەستيۆال پنومپەن قالاسىندا 25-30 قازان ارالىعىندا وتەدى.
ايگۇل احانبايقىزى, «ەگەمەن قازاقستان»
الماتى