ولگەنىمىز ءتىرىلىپ, وشكەنىمىز جاندى دەگەندى وسىندايدا ايتاتىن شىعار, بالكىم. بۇگىن, كۇندەردىڭ ۇلىعى, قاسيەتتى جۇماعا وراي قوستاناي وبلىسى, امانگەلدى اۋدانىندا قازاق تاريحىندا اڭىزعا بەرگىسىز باتىرلىق ءىس, وشپەس ءىز قالدىرعان ايگىلى باتىر كەيكى كوكەمباي ۇلىنىڭ كەسەنەسى بوي كوتەرىپ, سۇيەگىن جەرلەۋ ءراسىمى ءوتتى.
وتكەنىمىزدى تاۋىپ, تۇلعالاردىڭ تاعدىر جولىنان تاعىلىم الار تاريحي وقيعاعا الىس-جۋىقتان ات ارىتىپ كەلگەن ەل ازاماتتارى از بولمادى. سۇيەكتى جەر قوينىنا تاپسىرۋ رəسىمىنە مەملەكەتتىك حاتشى گۇلشارا Əبدىقالىقوۆا, مəدەنيەت جəنە سپورت ءمينيسترى ارىستانبەك مۇحامەدي ۇلى, ۆەنگريانىڭ قازاقستانداعى ەلشىسى باراني اندراش, قر پارلامەنتى دەپۋتاتى قۋانىش سۇلتانوۆ, جازۋشى سəبيت دوسانوۆ, قوعام قايراتكەرى ومىرزاق وزعانباەۆ جانە وزگە دە اقىن-جازۋشى, زيالى قاۋىم وكىلدەرى قاتىستى.
شارانىڭ اشىلۋىندا ءسوز العان قوستاناي وبلىسىنىڭ əكىمى ارحيمەد مۇحامبەتوۆ: « مىنە, ۇكىمەتتىڭ كەلىسىمىمەن باتىر سۇيەگىن سالتاناتتى تۇردە جەرلەۋ ءراسىمىن ۇيىمداستىرىپ وتىرمىز. كەيكى باتىردىڭ تاريحتاعى ورنى ەرەكشە. جاڭا مەموريالدىق كەشەننىڭ قۇرىلىسى بويىنشا بارلىق جۇمىستار بەلگىلەنگەن ۋاقىتتا اياقتالدى. مىناداي سəۋلەتتى كەسەنە بابالارىمىز باسىپ وتكەن ىزدەن دەرەك بەرىپ, جاستارىمىزدىڭ وتانعا دەگەن سۇيىسپەنشىلىگىن ارتتىرۋعا سەپتىگىن تيگىزەدى دەپ ويلايمىز», - دەدى.
مەملەكەتتىك حاتشى گۇلشارا Əبدىقالىقوۆا ۇلتىنىڭ ازاتتىعى جولىندا ايانباي كۇرەسكەن تاۋ تۇلعانىڭ بۇرالاڭ تاريحى قازاقتىڭ دا تۋقىمەتتى تاريحى ەكەنىن, بۇل كەسەنە وسكەلەڭ ۇرپاققا تاريح ءىزى ىستەپتتى ۇلگى-ونەگە, ەلدىك مۇددە جولىندا ءومىرىن قيعان بابامىزعا قۇرمەت ەكەندىگىن تىلگە تيەك ەتتى.
سونداي-اق, سəبيت دوسانوۆ باستاعان قالامگەرلەر ءسوز الىپ, وتكەندى ەسكە الماي كەلەشەك جوقتىعىن, ۇلتىنا ەڭبەگى سىڭگەن قاھارمان پەرزەنتتەردىڭ قاشاندا جوقتاۋسىز قالمايتىنىن ايتتى.
باتىر ۇرپاقتارى اتىنان سەرىك اقىلباي ءسوز سويلەپ, عاسىر بويى سىرت ەلدە جاتقان باتىر سۇيەگىن ەلگە əكەلۋگە سەبەپشى بولعان ەلباسىنا ەرەكشە العىسىن ايتتى.
جيىن سوڭىندا جينالعان جۇرت بابا رۋحىنا باعىشتالىپ وقىلعان دۇعاعا قول جايدى.
ەستەرىڭىزگدە بولسا, باتىر بابامىزدىڭ باس سۇيەگى بىلتىر ەلگە ورالعان بولاتىن.
ۇلاربەك نۇرعالىم ۇلى
"ەگەمەن قازاقستان"