بۇگىن استاناداعى «قازاقستان» ورتالىق كونتسەرت زالىندا ن.ءا. نازارباەۆتىڭ «بولاشاققا باعدار: رۋحاني جاڭعىرۋ» ماقالاسىنا وراي ۇيىمداستىرىلعان «رۋح جاڭعىرىعى» اتتى حالىقارالىق اقىندار ءايتىسى وتىپ جاتقانى تۋرالى جازعان ەدىك.
التى ساعاتقا سوزىلعان الامان جىر دوداسىندا جانداربەك بۇلعاقوۆ باس جۇلدەگە تىلىگەن شەتەلدىك اۆتوكولىكتى تىزگىندەسە, سىرىم Əۋەزحان ءبىرىنشى ورىندى ( 1 000 000 تەڭگە) يەلەدى. جۇلدەلى ەكىنشى ورىن Əسەت دۇيسەبايعا (700 000 تەڭگە) تيەسىلى بولدى. ال, ءۇشىنشى ورىنعا قازىلار اينۇر تۇرسىنباەۆانى (500 مىڭ تەڭگە) لايىق دەپ تاپتى.
سونىمەن قاتار ارزىگۇل قايىمبەكقىزى, مۇحامەدجان مانسۇروۆ, فارحات مارات ۇلى, تالعات مىقيلار ىنتالاندىرۋ سىيلىعىنا (200 مىڭ تەڭگەدەن) يە بولدى. بۇلاردان بولەك وسى ايتىستىڭ باس دەمەۋشىسى «جاس-اي» مەديتسينالىق ورتالىعىنىڭ باس ديرەكتورى, مەديتسينا عىلىمدارىنىڭ دوكتورى, پروفەسسور, اكادەميك جاسان زەكەي ۇلى ءوز اتىنان تاعايىنداعان «اكادەميك جاسان زەكەي ۇلى اتىنداعى ارنايى جۇلدە» Əسەت دۇيسەبايعا (500 000 تەڭگە ) بۇيىردى. ال قاتىسقاندارعا 100 000 تەڭگەدەن بەرىلدى. ايتىس – ءسوز بارىمتاسى. باستى ءسوز دە ايتىس جايلى بولۋى ءتيىس. باياعىدا ايتىس كورىپ كەلگەن كىسىدەن اينالاسى الدىمەن «كىم مەن كىم ايىتىستى؟», «كىم جەڭدى؟», «نە دەپ جەڭدى؟» دەپ سۇراپ جاتۋشى ەدى عوي, ول اڭگىمەنى الداعى ۋاقىتتا كەڭىنەن ايتا جاتارمىز. ازىرگە رۋحاني جاڭعىرۋ تاقىرىبىندا وتكەن ايتىس تۋرالى از-كەم اقپارات وسى. ۇلاربەك نۇرعالىم ۇلى, «ەگەمەن قازاقستان»