بۇگىن ۇكىمەت وتىرىسىنان كەيىن ەلىمىزدىڭ ءبىلىم جانە عىلىم ءمينيسترى ەرلان ساعاديەۆ مەملەكەتتىك ءتىلدىڭ لاتىن گرافيكاسىنداعى ءالىپبي جوباسىنا قاتىستى پىكىر ءبىلدىردى.
«بىزدە شاياحمەتوۆ جانە بايتۇرسىن ۇلى اتىنداعى ەكى ۇلكەن ءتىل ءبىلىمى ينستيتۋتى بار. ولار ەكى توپ قۇرىپ, ءوز نۇسقالارىن جاسادى. وزدەرىڭىز بىلەسىزدەر, كەشە ونى ماجىلىستە كورسەتتى. ەندى ءالىپبي تالقىعا ءتۇستى, اسىعىستىق جوق, ۋاقىتمىز بار. ونى دۇرىستاپ تالقىلاپ, پىكىرلەسىپ, ۇسىنىستار الىپ, بيىل قابىلداساق, سودان كەيىن ونى ەنگىزۋ كەستەسىن جاساپ, جۇيەلى جۇمىستاردى جالعاستىرۋ كەرەك. 25 ءارىپ بولعانى ماعان ۇنايدى. ەندى ارى قاراي ازاماتتار, حالىق, سىزدەر ۇسىنىستارىڭىزدى ايتىڭىزدار», - دەدى ەرلان ساعاديەۆ باق وكىلدەرىنە.
شاياxمەتوۆ اتىنداعى تىلدەردى دامىتۋدىڭ رەسپۋبليكالىق ورتالىعىنىڭ ديرەكتورى ەربول تىلەشوۆتىڭ ايتۋىنشا, لاتىن گرافيكاسىنا نەگىزدەلگەن جاڭا قازاق ءالىپبيىن جاساۋدا ء"بىر ءارىپ - ءبىر دىبىس", ء"بىر ءارىپ - ەكى دىبىس" جانە ء"بىر دىبىس" ءپرينتسيپى قولدانىلعان. 25 تاڭبالى الىپبيگە قوسىمشا قازاق ءتىلىنىڭ دىبىستىق جۇيەسىن تولىعىمەن قامتۋ ءۇشىن 8 دىبىستى تاڭبالايتىن 8 ديگراف ۇسىنىلعان.
جاڭا نۇسقادا ء"ا" دىبىسى "ae" ديگرافىمەن بەرىلسە, ء"و" - "oe", ء"ۇ" - "ue" دەپ تاڭبالانادى. ماسەلەن, "الەم" - "aelem", "وركەن" - "oerken", "ۇكىمەت" - "uekimet" بولماق. ال «ڭ» دىبىسى "ng" ديگرافىمەن بەرىلەدى. مۇنان بولەك, "ع" - "gh", "چ" - "ch", "ش" - "sh" جانە "ج" "zh" بولىپ بەلگىلەنەدى. ال "تس", "ۆ", "ف" سياقتى قازاق ءتىلىنىڭ دىبىستىق جۇيەسىندە جوق دىبىستاردى مۇلدەم الىپ تاستاۋ ۇسىنىلىپ وتىر.