بۇگىن يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى ءبىرىنشى ءسامميتى اياسىندا قازاقستان پرەزيدەنتى نۇرسۇلتان نازارباەۆ عىلىم مەن تەحنولوگيالاردى دامىتۋعا زور ۇلەس قوسقان يسلام ەلدەرىنىڭ عالىمدارىنا ارنايى سىيلىقتار تابىستادى.اياسىندا قازاقستان پرەزيدەنتى نۇرسۇلتان نازارباەۆ عىلىم مەن تەحنولوگيالاردى دامىتۋعا زور ۇلەس قوسقان يسلام ەلدەرىنىڭ عالىمدارىنا ارنايى سىيلىقتار تابىستادى.
«مەن عىلىم مەن تەحنولوگيالاردى دامىتۋعا زور ۇلەس قوسقان يسلام ەلدەرىنىڭ عالىمدارىنا ارنايى قازاقستاننىڭ سىيلىعىن تاعايىنداۋدى ۇسىنعان ەدىم. بۇل باستامامدى كەيىنگە قالدىرماۋ ءۇشىن ءبىزدىڭ ەل يسلام ىنتىماقتاستىق ۇيىمىنىڭ باس حاتشىلىعىمەن بىرگە يسلام ەلدەرىنىڭ ۇزدىك عالىمدارىن ىرىكتەپ, ولاردى سامميتكە شاقىردىق. ەندى سول سىيلىقتى تارتۋ ەتۋ ءراسىمىن باستاۋعا رۇقسات ەتىڭىزدەر», - دەدى ەلباسى.
سونىمەن عىلىم مەن تەحنولوگيالار سالاسىنىڭ دامۋىنا قوسقان ۇلەسى ءۇشىن يسلام ىنتىماقتاستىق ۇيىمىنىڭ ارنايى سىيلىعى ىستانبۇل تەحنيكالىق ۋنيۆەرسيتەتى حيميا فاكۋلتەتىنىڭ پروفەسسورى يۋسۋف ياگجىعا پوليمەرلەر سالاسىنداعى عىلىمي ەڭبەگى ءۇشىن, كورول ابداللا اتىنداعى عىلىم جانە تەحنولوگيا ۋنيۆەرسيتەتىنىڭ پروفەسسورى مۋحاممەد ساليم الوۋينيگە ەلەكتر تەحنيكاسى سالاسىندا جاساعان عىلىمي ەڭبەگى ءۇشىن, گامبيا مەديتسينالىق زەرتتەۋ ورتالىعىنىڭ اعا مەنەدجەرى اسسان جايەگە ۆيرۋس يممۋنولوگياسى جانە مەديتسينا ماماندارىن دايارلاۋ سالاسىندا جاساعان عىلىمي ەڭبەگى ءۇشىن, 5-ءشى مۇحاممەد اتىنداعى ۋنيۆەرسيتەتتىڭ پروفەسسورى رايا چيركاۋي ءال-مۋرسليگە يادرولىق فيزيكا سالاسىندا جاساعان عىلىمي ەڭبەگى ءۇشىن, قر بعم عىلىم كوميتەتى «ۇلتتىق بيوتەحنولوگيا ورتالىعى» رمك-نىڭ باس ديرەكتورى ەرلان رامانقۇلوۆقا بيوتەحنولوگيالار سالاسىندا جاساعان عىلىمي ەڭبەكتەرى ءۇشىن بەرىلدى.