ن.نازارباەۆ مۇسىلماندار اراسىندا نوبەل سىيلىعى يەگەرىنىڭ سانىن ارتتىرۋدى ۇسىندى

«يسلام بۇگىندە قارقىندى دامىپ كەلە جاتقان ءدىن. 21 عاسىردا ول الەمدەگى ەڭ كوپ تاراعان دىنگە اينالادى. پايعامبار حاديسىندە «بەسىكتەن قابىرگە دەيىن ءبىلىم ىزدەڭدەر» دەپ ايتىلعان. ءبىزدىڭ باستى مىندەتىمىز - يسلام وركەنيەتىنە قىزمەت ەتەتىن, جاڭا يدەيالاردى جۇزەگە اسىراتىن ينتەلەكتۋالدى جاڭا ەليتانى تاربيەلەۋ», - دەدى نۇرسۇلتان نازارباەۆ.

قازاقستان پرەزيدەنتى الايدا مۇسىلمان  مەملەكەتتەرى عىلىمي زەرتتەۋلەر مەن ازىرلەمەلەرگە ورتاشا العاندا جالپى ىشكى ءونىمنىڭ جارتى پروتسەنتىن عانا بولەتىندىگىن, ول  2,3 پروتسەنتتى قۇرايتىن  الەمدىك كورسەتكىشتەن الدەقايدا تومەن ەكەندىگىن اتاپ ءوتتى.

«قوعامداستىق مەملەكەتتەرىندە 1 ملن تۇرعىنعا شاققاندا  زەرتتەۋشىلەردىڭ سانى 615 ادام بولادى. ول الەمدىك ورتاشا كورسەتكىشتەن  2,5 ەسە از. يسلام الەمىندە عىلىم بويىنشا نوبەل سىيلىعىنىڭ تەك قانا 2  لاۋرەاتى بار.  ولار: پاكىستان فيزيگى موحاممەد ابدۋس سالام - 1979 جىلى, مىسىر حيميگى احمەد حاسان زەۆەيل - 1999 جىلى. وسى  جاعدايدى كۇرت وزگەرتۋىمىز كەرەك», - دەدى ەلباسى.