جاڭا وقۋ جىلىندا اقتوبە وبلىسىنىڭ مەكتەپتەرىندە 132 مىڭ بالالار وقيدى, سونىڭ 16 422 - ءبىرىنشى سىنىپ وقۋشىلارى, دەپ حابارلايدى əكىمدىكتىك ءباسپاسوز قىزمەتى.
بۇگىن اقتوبە وبلىسىندا 8 جاڭا مەكتەپ پايدالانۋعا بەرىلدى. اقتوبە قالاسى بويىنشا 2 مەكتەپ (№63, 64) باتىس-2 مولتەك اۋدانىندا اشىلسا, ءبىر جاڭا مەكتەپ نوكين اۋىلىندا قوسىلدى. سونىمەن قاتار ويىل اۋدانىندا 2 مەكتەپ, مۇعالجار اۋدانىندا 1 مەكتەپ, ىرعىزدا 1 مەكتەپ جانە شالقار اۋدانىندا 1 مەكتەپ اشىلۋ راسىمدەرى وتۋدە. وبلىس ورتالىعىندا بۇرىنعى عيمارات ەسەبىنەن تاعى ءبىر مەكتەپ ىسكە قوسىلادى, دەپ حابارلايدى وبلىس اكىمىنىڭ ءباسپاسوز قىزمەتى.
وبلىس ورتالىعىنىڭ باتىس-2 مولتەك اۋدانىندا سالىنعان 600 جانە 320 ورىندىق ەكى مەكتەپتىڭ قۇرىلىسى قر ۇلتىق قوردان قارجىلاندىرىلدى. جاڭا مەكتەپ اقتوبەدەگى ءۇش اۋىسىمداعى №23 ورتا مەكتەبىنە جۇكتەمەنى ازايتىپ, №1,17,21,27 مەكتەپتەرىندەگى بالا سانىن ازايتادى. جاڭادان سالىنعان نوكين اۋىلىنداعى مەكتەپ تە سول ماڭايداعى بلاگودارنىي ورتا مەكتەبىنىڭ ءۇش اۋىسىمدىلىعىن شەشۋگە ارنالعان. اۋداندارداعى 5 مەكتەپ توزعان جانە اپاتتى جاعدايداعى مەكتەپتەردىڭ ماسەلەسىن شەشەدى دەپ كوزدەلگەن. بيىل اقتوبە وبلىسىندا 10 080 ورىنعا ارنالعان 25 ءبىلىم ورداسىنىڭ قۇرىلىسى ءجۇرىپ جاتىر.
بيىلعى وقۋ جىلىندا 12 جىلدىق ءبىلىم بەرۋ جاڭارتىلعان ءبىلىم مازمۇنى بويىنشا جاڭا باعدارلامامەن 1, 2, 5, 7-سىنىپ وقۋشىلارى - وبلىسىمىزدا بارلىعى 57 مىڭ بالا وقيتىن بولادى. ءبىلىم الۋشىلاردى مەكتەپ وقۋلىقتارىمەن قامتاماسىز ەتۋ ءۇشىن جەرگىلىكتى بيۋدجەتتەن 1,1 ملرد تەڭگە بولىنگەن.