قر باس پروكۋرورى جاقىپ اسانوۆتىڭ بۇيرىعىمەن تيمۋر سۇلەيمەنوۆ قوستاناي وبلىسىنىڭ پروكۋرورى قىزمەتىنە تاعايىندالدى.
قۇقىق قىزمەتى ورگانىنىڭ جاڭا باسشىسىن قر باس پروكۋرورىنىڭ ورىنباسارى اندرەي لۋكين مەن قوستاناي وبلىسىنىڭ اكىمى ارحيمەد مۇحامبەتوۆ تانىستىردى.
تيمۋر قايىربەك ۇلى سۇلەيمەنوۆ 1975 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىن اياقتاپ, الماتى قالاسى المالى اۋداندىق پروكۋراتۋراسىنىڭ قۇقىقتىق ستاتيستيكا جانە اقپارات ورتالىعىندا پروكۋروردىڭ كومەكشىسى قىزمەتىنە ورنالاسادى. وسىعان دەيىن استانا قالاسى پروكۋرورىنىڭ ءبىرىنشى ورىنباسارى قىزمەتىن اتقاردى. ءوز كەزەگىندە قوستاناي وبلىسىنىڭ اكىمى ارحيمەد مۇحامبەتوۆ پروكۋرور جۇمىسىنا ساتتىلىك تىلەدى.