سينوپتيكتەر 2017 جىلدىڭ 29 تامىزى مەن 1 قىركۇيەگى ارالىعىندا اۋا رايى قانداي بولاتىنىن ايتىپ بەردى, - دەپ حابارلايدى قازگيدرومەت.
"رەسپۋبليكامىزدا وتكەن تاۋلىكتەردە اۋا تەمپەراتۋراسى كليماتتىق نورمادان 2,7 گرادۋس جوعارى بولدى. الداعى كۇندەرى باتىس, سولتۇستىك, ورتالىق جانە شىعىس وبلىستاردىڭ كەي اۋداندارىندا وتكىنشى جاڭبىر جاۋىپ, كۇن كۇركىرەيدى, بىراق ەڭ جوعارى اۋا تەمپەراتۋراسى 28...37 گرادۋس بولادى", - دەلىنگەن سينوپتيكتەردىڭ بولجامىندا.
سونداي-اق, رەسپۋبليكانىڭ وڭتۇستىك-باتىس, وڭتۇستىك جانە وڭتۇستىك-شىعىس وبلىستارىندا باتىس ازيادان وتە ىستىق اۋا كەلەتىنى, سوندىقتان وسىندا وتە ىستىق بولىپ, كۇندىزگى اۋا تەمپەراتۋراسى 32...41 گرادۋس جىلىعا دەيىن كوتەرىلەتىنى ايتىلادى. سوندىقتان قازاقستاننىڭ بۇكىل اۋماعىندا اۋا تەمپەراتۋراسى نورمادان 2-8 گرادۋس جوعارى بولىپ ساقتالادى ەكەن.