الماتى وبلىسىنىڭ اكىمى جاستارمەن فۋتبول وينادى

ءى.جانسۇگىروۆ اتىنداعى مادەنيەت سارايىندا وتكەن جيىندى كوپ­تەن باسى قوسىلماعان ارداگەر سپورت­شىلاردىڭ كەلەلى كەزدەسۋى بولدى دەۋ­گە بولادى. ەلىمىزدىڭ بۇگىنگى سپور­تىن, ءىزباسارلارىنىڭ اياق الىسىن, جەتىستىكتەرىن ايتىسىپ, الداعى كۇنگە بولجام جاساپ, تىلەۋ تىلەسكەن كەش­تىڭ شىمىلدىعى ءوڭىر سپورتىنىڭ جە­تىس­تىكتەرىنە ارنالعان شاعىن بەينەروليكپەن ءتۇرىلدى. «جەتىسۋ جەتىستىكتەرى» اتا­لاتىن شاعىن دەرەكتى فيلم سپورت­شى­لاردىڭ كاسىبي مەرەكەسىنە جاسالعان ءبىر سىيلىق دەۋگە بولادى. وندا سوڭعى جىلدارى ءوڭىر سپورتشىلارى قول جەتكىز­گەن جۇلدەلەر سارالانىپ, ايماق بويىنشا سپورت سالاسىن دامىتۋ ءۇشىن اتقارىلىپ جاتقان ىستەر مەن اشىلىپ جاتقان نىساندار جايىنان حاباردار بولۋعا بولادى. بۇل تۋراسىندا جيىن­نىڭ سالتاناتتى اشىلۋىنان كەيىن ءسوز العان وبلىس باسشىسى دا كەڭىنەن توق­تال­دى. ءسوزىنىڭ باسىن مەرەكە يەلەرىن قۇت­­­تىق­تاۋدان باستاعان اكىم وبلىس بويىنشا بۇقارالىق سپورتتى دامىتۋدا­ كوپ­ ءىستىڭ قولعا الىنىپ جاتقانىن ايتا كەلىپ:

– پرەزيدەنتىمىز نۇرسۇلتان نازار­باەۆ حالىق دەنساۋلىعىنىڭ كىلتى سانالاتىن دەنە شىنىقتىرۋ مەن سپورتقا مەملەكەت ۇنەمى قامقورلىق كورسەتۋ قاجەتتىگىن اتاپ كورسەتتى. ەلباسىنىڭ سول تاپسىرماسىن ورىنداۋ ماقساتىندا الماتى وبلىسىندا سپورت جانە دەنە شىنىقتىرۋدى دامىتۋ باعىتىندا بىرقاتار جۇمىستار اتقارىلىپ كە­لە­دى. بيىلعى جىلى جالپى وسى سالا­عا وبلىستىق بيۋدجەتتەن 6 ملرد تەڭ­گە ءبولى­نىپ, سپورت مەكتەپتەرىنىڭ ماتە­ريال­دىق-تەحنيكالىق بازاسى نىعاي­تى­لۋ­دا. جاڭا سپورت نىساندارى سالىنىپ, ستا­ديوندار مەن سپورتتىق عيماراتتار جاڭ­عىرتىلىپ جاتىر. سونىڭ ارقاسىندا ءبىزدىڭ جاس سپورتشىلارىمىز بار كۇش-جىگەرىن جۇمساپ, ءتۇرلى سپورتتىق جارىس­تاردا جوعارى كورسەتكىشكە قول جەتكىزىپ ءجۇر, – دەدى. 

سپورتقا جانە سپورتشىلارعا قولداۋ ءبىلدىرۋ بويىنشا الماتى وبلىسىنىڭ اكىمدىگى الدىڭعى قاتاردا اتالاتىنى ءسوزسىز. ماسەلەن, جەتىسۋلىق 72 تالانتتى سپورتشىعا جالپى سوماسى 76 ملن تەڭگە كولەمىندە ستيپەنديا تاعايىندالعان. سپورتتى تولىق قولداۋ ءۇشىن الدىمەن ۇلتتىق سپورت تۇرلەرىنە نازار اۋدار­ماي بولمايدى. بۇل تاراپتا دا جەتىستىكتەر از ەمەس. جۇيرىك باپتاۋدىڭ ءوزى – ۇلكەن سپورت. وتكەن جىلى استانادا ۇيىمداستىرىلعان «التىن تۇلپار» بايگەسىندە جەتىسۋ ءوڭىرىنىڭ جۇيرىگى توپ جار­عانىن, ءتول ونەرىمىز قازاق كۇرەسىنەن دە ولجا سالىپ جۇرگەن جىگىتتەردى مى­سالعا الىپ, بۇل جاقسىلىقتار الداعى كۇنى جالعاسا بەرۋى ءۇشىن باسشىلىق تاراپىنان قولداۋ جالعاسا بەرەتىنىن ءسوز قىلدى.

سونىمەن قاتار, الداعى ۋاقىتتا ءۇش نى­سان: تالدىقورعان قالاسىندا وليم­پيادالىق ستاندارتقا ساي ءجۇزۋ باسسەينى, بيىكتىكتەن سۋعا سەكىرۋ جانە جابىق جە­ڭىل اتلەتيكا مانەجى بوي كوتەرەتىنىن ايتتى.

ريو-دە جانەيرودا وتكەن جازعى پاراليمپيادالىق ويىنداردا كۇمىس مەدالدى جەڭىپ العان, پاۋەرليفتينگتەن حالىقارالىق دارەجەدەگى سپورت شەبەرى راۋشان قويشىباەۆا مەن ريو وليم­پياداسىنىڭ كۇمىس جۇلدەگەرى زىلتەمىرشى كارينا گوريچەۆاعا ەكى بولمەلى پاتەر كىلتى تابىستالدى. تايپەيدە ءوتىپ جاتقان سپورت دوداسىندا جۇرگەن كاريناعا بۇل سىي­لىق جىگەر بەرەرى ءسوزسىز دەسىپ جاتتى جۇرت. سونىمەن بىرگە, مادەنيەت جانە سپورت مينيسترلىگىنىڭ «قۇرمەتتى سپورت قىزمەتكەرى» توسبەلگىسىمەن وبلىستىق جو­عارى سپورت شەبەرلىگى مەكتەبىنىڭ ەر­كىن كۇرەس جاتتىقتىرۋشىسى امان بۇعىباەۆ, دزيۋ-دو كۇرەسىنەن جات­تىقتىرۋشى تيمۋر ابىحانوۆ مارا­پاتتالدى. «دەنە شىنىقتىرۋ جانە سپورتتى دامىتۋعا سىڭىرگەن ەڭبەگى ءۇشىن» توسبەلگىسى جامبىل اۋدانى بالالار مەن جاس­وسپىرىمدەر مەكتەبىنىڭ ديرەكتورى باق­بەرگەن قايىر­لىباەۆ پەن قاراساي اۋدا­نى بالالار جانە جاسوسپىرىمدەر سپورت مەكتەبىنىڭ ديرەكتورى ۆالەري حا­تسيەۆكە تاعىلدى. ودان بولەك بىرنەشە سپورت ارداگەرلەرى مەن ماماندارعا ءمي­نيستر­دىڭ, وبلىس اكىمىنىڭ اتىنان قۇرمەت گراموتالارى مەن العىس حاتتار تابىستالدى.

جيىن سوڭىندا قازاقستاننىڭ ەڭبەك سىڭىرگەن جاتتىقتىرۋشىسى, سپورت قاي­­راتكەرى اكەشاي جايلاۋبەكوۆ ءسوز سوي­لەپ, سپورتقا ۇنەمى قولداۋ ءبىلدىرىپ وتىر­عان وبلىس باسشىسىنا بارلىق سپورت ماماندارى مەن سپورتشىلاردىڭ اتى­نان العىس ايتتى. كەش سوڭى مەرەكە­لىك كونتسەرتپەن جالعاستى. سپورت مەرەكەسىن اتاپ ءوتۋ بۇدان ءارى «جەتىسۋ» ستاديونىندا جالعاستى. وبلىستىق «جەتىسۋ» فۋتبول كلۋبىنىڭ نەگىزگى قۇرام ويىنشىلارى مەن ءجاس­وس­پىرىم تاربيەلەنۋشىلەرى اراسىندا جول­داستىق كەزدەسۋ ءوتتى. بۇل ويىننىڭ ەرەكشەلىگى – وبلىس اكىمى اماندىق باتا­لوۆتىڭ جاسوسپىرىمدەر كومانداسى قۇ­رامىندا دوپ تەپكەنى. ويىن الدىندا كلۋبتىڭ كۇردەلى جوندەۋدەن وتكەن جاتاقحاناسىنا باس سۇعىپ, جۇمىس ساپاسىن تەكسەرگەن اكىم كەزدەسۋ باستالاردان بۇرىن سپورتشىلاردى قۇتتىقتاپ, جاس ويىنشىلارعا تىلەك ايتتى: «الەم بويىنشا ميلليونداعان ادام­داردىڭ سۇيىكتى ويىنى سانالاتىن فۋت­بولمەن وبلىسىمىزدا 111 مىڭ ادام­نىڭ اينالىساتىنى قۋانتادى. سولار­دىڭ ىشىندە وزدەرىڭىز سياقتى جاس سپورت­شىلار دا بار. ارالارىڭىزدان بولا­شاقتا جوعارى ساناتتى كاسىبي فۋت­بول­شىلاردىڭ شىعا­تىنىنا سەنىمدىمىن».

سونداي-اق, ءوڭىر باسشىسى وزىمەن ءبىر كوماندادا دوپ تەۋىپ, 4:1 ەسەبىمەن جەڭىسكە جەتكەن جاسوسپىرىمدەرگە 200 دوپ سىيعا تارتتى. 

الماس ءنۇسىپ, «ەگەمەن قازاقستان» 

الماتى وبلىسى