27 تامىز كۇنى استاناداعى «قازانات» اتشابارىندا كوكپاردان I الەم چەمپيوناتىنىڭ فينالى وتەدى.
جارىسقا الەمنىڭ 11 مەملەكەتىنەن 200-گە جۋىق سپورتشى قاتىستى. شارانىڭ ۇيىمداستىرۋشىلارى: قر مادەنيەت جانە سپورت مينيسترلىگى, قر «ۇلتتىق سپورت تۇرلەرى قاۋىمداستىعى». الەۋمەتتىك سەرىكتەس - «Samruk-Kazyna Trust» الەۋمەتتىك جوبالاردى دامىتۋ قورى.
جارىستىڭ جالپى قورى 18 ملن تەڭگەنى قۇرايدى. I ورىن - 10 ملن تگ, II ورىن - 5 ملن تگ, III ورىن - 3 ملن تگ. ەرەجەگە سايكەس, شاباندوزدار سەركەنىڭ رەزەڭكە ناقپىشىنىن قولعا ءتۇسىرىپ, قارسىلاسقا قولدان بەرمەي, قارسىلاس كوماندانىڭ شارتتى قاقپاسىنا ءدال لاقتىرىپ تۇسىرۋلەرى قاجەت.