بۇگىنگى كۇنى ماگيسترالدى كوشەلەردەگى جوسپارلانعان 151 شاقىرىم جولدىڭ بارلىعىنا ورتاشا جوندەۋ جۇمىستارى جۇرگىزىلدى. اۋداندىق ماڭىزى بار 85 كوشەلەردەگى جوندەۋ جۇمىستارى قازان ايىندا اياقتالادى. 32 تروتۋارلاردىڭ 26 شاقىرىمى جاڭارتىلدى جانە جوندەلدى. بيىلعى جىلى قالا بويىنشا 317 شاقىرىم سۋ قۇبىرلارى مەن 265 شاقىرىم كارىز جەلىلەرىن سالۋعا جانە قايتا جاساۋعا قارجى ءبولىندى. ۇزىندىعى 284 شاقىرىم بولاتىن جاڭا سۋ قۇبىرلارى جەلىسىن ىسكە قوسۋ بيىلعى جىلدىڭ كۇزىندە 175 مىڭنان استام ادام تۇراتىن 35 مىڭ تۇرعىن ءۇيدى سۋمەن قامتۋدىڭ ورتالىق جۇيەسىنە قوسۋعا مۇمكىندىك بەرەدى.
شەۆچەنكو جانە كوناەۆ كوشەلەرىندە كولىك قوزعالىسى اشىلدى, بۇلارداعى رەلستەر الىنىپ تاستالدى, ارىق لوتوكتارى توسەلۋدە, تروتۋارلار, وربيتا ىشقام اۋدانىنان كوكبازارعا دەيىنگى ۆەلودالىزدىڭ ءبىر بولىگى بولىپ تابىلاتىن ۆەلوجولدار اباتتاندىرىلۋدا.
كۇردەلى جوندەۋ جۇمىستارى جۇرگەن بايتۇرسىنوۆ كوشەسى بويىمەن تيميريازەۆ كوشەسىنەن اباي داڭعىلىنا دەيىنگى جولدار اۋماعى دا جوندەلىپ, مۇندا دا كولىك قوزعالىسى اشىلدى, تروتۋارلار مەن ۆەلوجولدار كورىكتەندىرىلۋدە. جاندوسوۆ كوشەسىنىڭ ۇزىندىعى 2,8 شاقىرىم بولاتىن ۋچاسكەسىندەگى كۇردەلى جوندەۋ جۇمىستارى دا اياقتالىپ قالدى. قازىرگى كەزدە مۇندا قوزعالىس بولىگى , تروتۋارلار مەن ۆەلوجولدار اباتتاندىرىلۋدا.
اسقاروۆ كوشەسىنەن ءال-فارابي داڭعىلىنىڭ باتىس بولىگىندەگى ۇزىندىعى 3,5 شاقىرىم بولاتىن سۋ جۇيەلەرىن قايتا جاسالۋدا, سونىڭ ارقاسىندا قىركۇيەك ايىندا 200 مىڭعا جۋىق قالا تۇرعىنى اۋىز سۋمەن قامتاماسىز ەتىلەدى. قالا اكىمىنە قايتا جاسالعان ۋچاسكەگە قارا اسفالت توسەلگەن سوڭ 30 تامىزدا كولىك قوزعالىسىنىڭ اشىلاتىندىعى باياندالدى. الماتى اكىمى ەنەرگەتيكا جانە كوممۋنالدى شارۋاشىلىق باسقارماسىنىڭ باسشىسىنا جۇمىستى جەدەلدەتۋدى ءارى ساپالى اتقارۋدى, اۋماقتى كورىكتەندىرۋگە باسا نازار اۋدارۋدى تاپسىردى.
مەگاپوليس باسشىسى جۇبانوۆ, تولە بي, مامەتوۆا جانە قازىبەك بي كوشەلەرى بويىنداعى جىلۋ جۇيەلەرىن قايتا جاساۋ جۇمىستارىن دا تەكسەردى.
«تولە بي - ۇلكەن كولىك لەگى بار ماگيستارلدى كوشە. مۇندا ۇزىندىعى 1,6 كم بولاتىن اۋماقتا كۇشەيتىلگەن رەجيمدە جوندەۋ جۇمىستارى جۇرۋدە, تەحنولوگيالىق پروتسەسس تولىق ساقتالۋدا. جۇمىستى 25 قىركۇيەكتە اياقتاۋدى جوسپارلاپ وتىرمىز.تولە بي بويىمەن ماسانچيگە بۇرىلاتىن جەردەن قاراساي باتىرعا دەيىنگى اۋماقتاعى جوندەۋ جۇمىستارىن تامىز ايىندا بىتىرەمىز, سونىمەن قاتار مامەتوۆا مەن قازىبەك بي كوشەلەرىندەگى جوندەۋ جۇمىستارىن دا وسى مەرزىمدە تولىق اياقتايمىز», - دەدى «الماتى جىلۋ جۇيەسى» جشس ديرەكتورى ەربولات امانعاليەۆ.
جالپى, جاڭا جىلۋ ماۋسىمىنا دەيىن ۇزىندىعى 32 شاقىرىمنان اساتىن جىلۋ جۇيەلەرى جوندەۋدەن وتەدى, بۇل وتكەن جىلمەن سالىستىرعاندا 2,7 ەسە كوپ. جۇمىستار جاڭاشا يزولياتسيالانعان قۇبىرلاردى قولدانۋ ارقىلى جۇرۋدە, بۇلاردىڭ پايدالانۋ مەرزىمىۋ 40 جىل.
سونىمەن قاتار, قالادا فۋرمانوۆ, اباي, حمەلنيتسكي كوشەلەرىن ۇڭگىلەۋ جانە بىرنەشە جولايرىقتارىن سالۋ جۇمىستارى ودان ءارى جالعاسادى. اباي داڭعىلى بويىنداعى ەسەنتاي وزەنى ارقىلى وتەتىن كوپىردە كۇردەلى جوندەۋ جۇمىستارى جۇرۋدە, ونىڭ سولتۇستىك بولىگىندەگى كولىك قوزعالىسى 1 قىركۇيەكتە, ال وڭتۇستىگىندەگى كولىك قوزعالىسى 1 قازاندا اشىلاتىن بولادى.