اتالمىش شوۋدىڭ سايتىندا باعدارلامانىڭ اڭداتپاسى جاريالاندى. وندا «ورەل ي رەشكا» باعدارلاماسىنىڭ جۇرگىزۋشىلەرىنىڭ استانادا نە كورگەنى, قانداي قىزىقتى وقيعالاردى باستان وتكەرگەندىكتەرى تۋرالى ەگجەي-تەگجەيلى ايتىلعان. استاناعا تابان تىرەگەن كەز-كەلگەن ءارتىس ءبىرىنشى كەزەكتە قىمىز تۋرالى ايتاتىن ادەتى. وسى جولى دا سولاي بولدى.
قىمىزدى باعدارلاما جۇرگىزۋشىلەرى وسىدان 5 مىڭ جىل بۇرىن پايدا بولعاندىعىن, قىمىز تۋرالى ءوزىنىڭ ەڭبەكتەرىندە ەجەلگى گرەك تاريحشىسى گەرودوتتىڭ جازىپ كەتكەنى تۋرالى ايتتى.
سونىمەن قاتار جۇرگىزۋشىلەر بياتلوننان قازاقستان قۇراماسىنىڭ مۇشەسى داريا ۋسانوۆامەن كۇش سىناسىپ كوردى.
تانىمال شوۋ جۇرگىزۋشىلەرى استانادان شىعا سالىسىمەن قازاقتاردىڭ سالت-ءداستۇرى, ادەتتەگى تىنىس-تىرشىلىگىمەن تانىسقاندىقتارىن ايتتى.
«قوناقجايلىلىق مۇندا ءداستۇر رەتىندە دە حالىقتىڭ ەرەكشەلىگى رەتىندە دە قالىپتاسقان. ولار ارينە ءبىزدى مول داستارحان جايىپ, «قارا جورعا» بيىمەن قارسى الدى. بۇل ءداستۇردى ءبىز دە قولداپ, ءبىرشاما ءبيدىڭ قىزىعىنا باتتىق», - دەلىنگەن اڭداتپادا.
سونىمەن قاتار «ورەل ي رەشكا» باعدارلاماسى بۋرابايدا بولىپ, ەلورداداعى مۇحيتارالىنىڭ كەڭ اۋقىمدىلىعىنا ءتانتى بولعان.
«فانتاستيكالىق فيلمدەردە كورسەتىلەتىن بوتەن پلانەتاداعى بولاشاقتىڭ قالاسىن كورگەندەرىڭىز بار ما؟ قازاقستان استاناسى تۋرا سونداي!»,-دەيدى باعدارلاما اۆتورلارى.
بۇل حاباردى قازاقستاندىقتار ەفيردەن 22 تامىزدا كورە الادى.