قازاقستاندىق زىلتەمىرشى ارلەي چونتەي تايبەيدە ءوتىپ جاتقان جازعى ۋنيۆەرسيادادا اۋىر اتلەتيكانىڭ 56 كەلى سالماعىندا قولا مەدالدى جەڭىپ الدى, دەپ حابارلايدى Sports.kz.
ونىڭ ۇزدىك ناتيجەسى – 258 كەلى (115-143). كۇمىس جۇلدە 263 كەلى (119+144) كوتەرگەن دومينيكاندىق لۋيس البەرتو گارسياعا بۇيىردى. التىن مەدالدى 294 كەلى كورسەتكىشىمەن سولتۇستىك كورەيا زىلتەمىرشىسى چول يۋن وم يەلەنىپ كەتتى.
ەسكە سالا كەتەيىك, ريو-2016 وليمپياداسىندا چونتەي ءتورتىنشى ورىن الىپ, مەدالسىز قالعان بولاتىن. بۇل جولعى سولتۇستىككورەيالىق جەڭىمپاز ول دودادا كۇمىس مەدال يەلەنگەن بولاتىن.
تايۆان قالاسىنىڭ تايبەي قالاسىندا ءوتىپ جاتقان جازعى ۋنيۆەرسيادا ويىندارى 19 تامىز كۇنى باستالىپ, 30 تامىزعا دەيىن جالعاسادى. چونتەي قازاقستان قۇراماسىنىڭ قورجىنىنا العاشقى مەدال اكەلدى.