«نۇر وتان» پارتياسىنىڭ استانا قالاسىنداعى «سارىارقا» اۋداندىق فيليالىندا ەلوردالىق ەتنومادەني بىرلەستىكتەردىڭ قاتىسۋىمەن مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىن تالقىلاۋعا نەگىزدەلگەن سۇقباتتاسۋ الاڭى بولىپ ءوتتى. ونىڭ بارىسى بويىنشا الداعى اتقارىلاتىن ىستەر جان-جاقتى پىسىقتالدى.
ءىس-شاراعا «نۇر وتان» پارتياسىنىڭ مۇشەلەرى, مەملەكەتتىك ورگاندار مەن استانا قالاسى ەتنومادەني بىرلەستىكتەرىنىڭ وكىلدەرى, باق قاتىستى.
تاعىلىمدىق ءمانى بار جيىندا استانا قالالىق ءماسليحاتىنىڭ دەپۋتاتى, «نۇر وتان» پارتياسى عىلىمي ساراپشىلىق توبىنىڭ كۋراتورى ز.گ. ءجۇسىپوۆا قازاق ءتىلىنىڭ لاتىن الىپبيىنە كوشۋ ماسەلەسىنىڭ نەگىزگى ءتۇيىنىن تارقاتىپ ايتىپ بەردى. سونىمەن بىرگە, «قىرعىزستان-استانا» ەتنومادەني ورتالىعىنىڭ توراعاسى ش.ا. يسمايلوۆ جاستاردىڭ قوعامدا الار ورنىنا كەڭىنەن توقتالىپ, رۋحاني جاڭعىرۋ ماسەلەسىنە قاتىستى وزىندىك پىكىرىن ءبىلدىردى: «قازىرگى جاھاندانۋ ۇدەرىسىنە ساي وتە قارقىندى دامىپ كەلە جاتقان ءومىر تالابىنا ىلەسۋ-ءبىزدىڭ اربىرىمىزگە زور جاۋاپكەرشىلىك جۇكتەيدى. سوندىقتان ءوزىمىزدىڭ تەرەڭنەن تامىر جايعان ۇلتتىق تاريحي قۇندىلىعىمىزدى ساقتاپ, بۇگىنگى زامان تالابىنا بەيىمىدەلە ءبىلۋىمىز كەرەك»,-دەدى ول.
قازاقستاننىڭ ەۆوليۋتسيالىق دامۋ جولىندا ۇلتتىق بىرەگەيلىكتى ساقتاۋ وتە ماڭىزدى ءرول اتقارادى. وسى جونىندە جينالعاندار الدىندا وي بولىسكەن استانا قالاسى وزبەك ەتنومادەني ورتالىعىنىڭ توراعاسى ش.ا. پۋلاتوۆ ءاربىر قازاقستاندىقتىڭ كەمەل رۋحاني جاڭعىرۋى ەلىمىز بىرەگەيلىگىنىڭ نەگىزگى تىرەگى بولىپ سانالاتىنىن اتادى.
سۇقباتتاسۋ الاڭىنا قاتىسۋشىلار ەلباسىنىڭ باعدارلامالىق ماقالاسىندا اتاپ كورسەتىلگەن نەگىزگى باسىمدىقتار تۋرالى وي ءبولىسىپ, ونداعى قازاقستاندىق ءپاتريوتيزمنىڭ قۇندىلىقتارىنا نەگىزدەلگەن سالت-داستۇرلەر مەن ۇلت بىرلىگىن ساقتاۋ ماڭىزدىلىقتارىنا ەرەكشە توقتالىپ ءوتتى.
جالپى تاپسىرمالار تۋرالى وزىندىك پىكىرىن بىلدىرگەن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتىنىڭ باسشىسى ا.ر. راحماتۋللين ءبىزدىڭ ەلىمىزدەگى ۇلتارالىق كەلىسىم مەن بىرلىكتى نىعايتۋدا ەتنومادەني بىرلەستىكتەردىڭ ورنى ەرەكشە ەكەنىن اتاپ ءوتتى.
سونداي-اق, ءىس-شارا بارىسىندا ەلوردالىق ەتنومادەني بىرلەستىكتەردىڭ قاتىسۋىمەن بىرگە سىبايلاس جەمقورلىققا قارسى كۇرەس تۋرالى بەينەتۇسىرىلىمنىڭ كورسەتىلىمى بولدى.