«ەكى ەلدىڭ اراسىنداعى قاتىناستار دوستىق پەن ىنتىماقتاستىق رۋحىندا قارقىندى تۇردە دامىپ كەلەدى. وسى ورايدا ءبىزدىڭ ەلدەردىڭ كوشباسشىلارىنىڭ ءرولى ايرىقشا. قازىرگى كەزدە ەلباسى نۇرسۇلتان نازارباەۆتىڭ مينسكىگە ساپارىنا دايىندالىپ جاتىرمىز. اتاپ ايتقاندا, دايىندىق جۇمىستارى قىزۋ ءجۇرىپ جاتىر. مەملەكەت باسشىسىنىڭ ساپارى قازاقستان-بەلارۋس قاتىناستارىن دامىتا تۇسۋگە ەلەۋلى سەرپىن بەرەدى دەپ بولجاپ وتىرمىز»,- دەدى باقىتجان ساعىنتاەۆ.
ءوز كەزەگىندە بەلارۋس پرەمەر-ءمينيسترى اندرەي كوبياكوۆ قازاقستان تاراپىنىڭ قوناقجايلىلىعى ءۇشىن العىسىن ايتا كەلە, «بيىلعى جىل ەلدەرىمىز ءۇشىن مەرەيتويلى بولىپ وتىر, ياعني 25 جىل بۇرىن ءبىز ديپلوماتيالىق قاتىناستاردى ورناتتىق. وسى جىلداردا ءبىزدىڭ ىنتىماقتاستىعىمىز ستراتەگيالىق مانگە يە بولدى. قازاقستان ءبىز ءۇشىن ماڭىزدى ءارى ۋاقىتپەن تەكسەرىلگەن سەنىمدى سەرىكتەسىمىز, سىزدەرمەن ەكىجاقتى, سونداي-اق ينتەگراتسيالىق تۇرعىدا ءارى حالىقارالىق ۇيىمدار اياسىندا جوعارى دەڭگەيدەگى ءوزارا ءىس-قيمىلداردى قولداپ كەلەمىز», دەدى.