«تۇتاستاي, شارا تاتۋ كورشىلىك, تۇسىنىستىك اياسىندا ءوتتى. بۇل جارىس ءوزارا ءىس-قيمىلعا, ىنتىماقتاستىققا, دوستىققا باعىتتالدى. 2015 جىلى نەگىزى قالانعان باستاما جالعاسادى دەگەن ۇمىتتەمىز. قاتىسۋشىلار ءوزارا دوستاسىپ كەتتى, تۇراقتى ارالاسىپ, ءوز مۇمكىندىكتەرىن كورسەتۋدە, قارسىلاستارىنان وڭ تاجىريبە الماسۋعا تىرىسۋدا. ءبىزدىڭ قابىلەتىمىز ەرتەڭ كاسپي تەڭىزىنە اسكەردىڭ كەلۋىن ارتتىرۋعا ەمەس, ونداعى قاۋىپسىزدىكتى قامتاماسىز ەتۋگە قىزمەت ەتكەنىن قالايمىز.
ءبىز كۇللى الەمگە كاسپي - الەم تەڭىزى, دوستىق تەڭىزى ەكەنىن كورسەتۋىمىز قاجەت. ءبىزدىڭ پرەزيدەنت, قازاقستاننىڭ باس قولباسشىسى ءوزىنىڭ سىرتقى ساياسي قىزمەتىندە ۇنەمى كورشى ەلدەرمەن, كاسپي ماڭىنداعى مەملەكەتتەرمەن ءوزارا ءىس-قيمىلىمىزعا باسا نازار اۋدارادى. ءبىزدى كاسپي تەڭىزى بولمەيدى, كەرىسىنشە, بىرىكتىرەدى دەگىمىز كەلەدى», دەدى قر قك اسكەري تەڭىز كۇشتەرىنىڭ باس قولباسشىسى ەرمەك بايعابىلوۆ.
كونتسەرتتىك باعدارلاما اياقتالعاننان كەيىن ازەربايجان, رەسەي, يران, قازاقستان كوماندالارى قاتىسۋشىلارىن ماراپاتتاۋ ءراسىمى ءوتتى.
جەڭىمپازدارعا كۋبوكتار مەن مەدالداردى رەسەي مەن ازەربايجان قورعانىس ۆەدومستۆولارى مينيسترلەرىنىڭ ورىنباسارلارى گەنەرال-لەيتەنانت ا.فومين مەن گەنەرال-لەيتەنانت ك.ۆەليەۆ, سونداي-اق ازەربايجان رەسپۋبليكاسى اسكەري تەڭىز كۇشتەرىنىڭ قولباسشىسى, 1 رانگ كاپيتانى ز.گۋممەتوۆ تابىس ەتتى. رەسەي مەن ازەربايجان بىردەي بالل جيناپ بايقاۋدا جەڭىستى ءبولىستى.
سونىمەن, جارىس ناتيجەسى بويىنشا جەڭىمپازدار 246 بالل جينادى. يران - 234, قازاقستان - 227 بالل جينادى. جارىس رەسەي قورعانىس ۆەدومستۆوسىنىڭ باستاماسىمەن 2015 جىلدان باستاپ ءۇشىنشى رەت ۇيىمداستىرىلۋدا.
جارىسقا بارلىعى قازاقستان, رەسەي, بەلارۋس, ازەربايجان, قىتاي - 22 پوليگونىنداعى 30 ەلدەن 3,5 مىڭعا جۋىق ادام قاتىسۋدا.