الماتى وبلىسىنىڭ əكىمى اماندىق باتالوۆ پەن تيچينو كانتونىنىڭ ەكونوميكا جəنە قارجى ءمينيسترى ك.ۆيتتە قول قويعان قۇجات ەكى جاقتى بايلانىستاردىڭ جاڭا بەلەسىنە جول اشادى دەپ كۇتىلۋدە.
ەلىمىزدىڭ قارجى ءمينيسترى باقىت سۇلتانوۆ, قازاقستان رەسپۋبليكاسىنىڭ شۆەيتساريا كونفەدەراتسياسىنداعى توتەنشە جəنە وكىلەتتى ەلشىسى جانار ايتجانوۆا, شۆەيتساريا كونفەدەراتسياسىنىڭ پرەزيدەنتى دوريس ليويتحاردتىڭ جəنە باسقا دا لاۋازىمدى تۇلعالاردىڭ قاتىسۋىمەن وتكەن مەموراندۋمعا قول قويۋ رəسىمىندە وبلىس باسشىسى ا. باتالوۆ جەتىسۋ ءوڭىرىنىڭ ينۆەستيتسيالىق مۇمكىندىكتەرىنە قىسقاشا توقتالىپ ءوتتى.
- الماتى وبلىسى مەن تيچينو كانتونى كليماتى جاعىنان دا, تابيعاتى جاعىنان دا ۇقساس. ءبىر-ءبىرىمىزدى تولىقتىراتىن, ۇيرەنەتىن ورتاق دۇنيەلەر بارشىلىق. ءتۋريزمدى دامىتۋدا, اۋىل شارۋاشىلىعىنا, وڭدەۋ ونەركəسىبىنە جاڭا تەحنولوگيالار تارتۋدا, جاسىل ەنەرگەتيكانى ەنگىزۋدە شۆەيتساريادان ۇيرەنەرىمىز كوپ. مəسەلەن, الماتى وبلىسىندا تۇرمىستىق قاتتى قالدىقتاردى وڭدەيتىن ءىرى كəسىپورىن جوق. وسى جاعىنان دا əرىپتەستىك بايلانىس مۇمكىندىكتەرىن قاراستىرۋدى جوسپارلاپ وتىرمىز. الداعى ۋاقىتتا تəجىريبە الماسۋ مەن ەكى تاراپ كəسىپكەرلەرىنىڭ اراسىندا جاندى بايلانىس ورناتۋدىڭ يگىلىگىن تۇرعىندار كورەدى دەپ ويلايمىن, - دەي كەلە ا. باتالوۆ تيچينولىق دەلەگاتسيانى جەتىسۋ وڭىرىنە ارنايى شاقىردى.
تيچينو كانتونىنىڭ ەكونوميكا جəنە قارجى ءمينيسترى ك. ۆيتتە ءوز سوزىندە مەموراندۋمنىڭ زاڭدى جالعاسى رەتىندە ناقتى جوبالار جۇزەگە اسىرىلىپ, ورتاق نəتيجەگە قول جەتكىزىلەتىنىنە سەنىم ءبىلدىردى.
شارا سوڭىندا ا. باتالوۆ شۆەيتساريالىق قوناقتارعا وبلىستىڭ بارلىق تاريحي ورىندارى ايقىن كورسەتىلگەن قولدان əزىرلەنگەن كارتاسىن جəنە جەتىسۋ ءوڭىرى تۋرالى كىتاپتى سىيعا تارتتى.
جالپى قازاقستان مەن شۆەيتساريا اراسىنداعى əرىپتەستىك قارىم-قاتىناستىڭ ورناعانىنا بيىل 25 جىل تولىپ وتىر. مەموراندۋمعا قول قويۋ ءراسىمى وسى ايتۋلى داتا قارساڭىندا ەكسپو كورمەسىندە وتكەن شۆەيتساريانىڭ ۇلتتىق كۇنى اياسىندا بولدى.