قوناقتار اباي ەسكەرتكىشىنىڭ جانىندا اۋداندىق اباي وقۋلارىنىڭ جەڭىمپازدارىن ماراپاتتاپ, اقىننىڭ ەسكەرتكىشىنە گۇل شوقتارىن قويدى. اۋداندىق مادەنيەت ۇيىندە عاريفوللا ەسىمنىڭ 70 جىلدىعىنا ارنالعان كونتسەرت ءوتتى. شاراعا قاتىسقان وبلىس اكىمى بولات باقاۋوۆ مەرەيتوي يەسىنە «التىن بارىس» ءتوس بەلگىسىن تابىستاپ, ەلباسىنىڭ قۇتتىقتاۋ جەدەلحاتىن وقىپ بەردى. عالىمنىڭ ۇلى قازبەك بولسا, قازىر اققۋلى اۋىلىندا تۇرىپ, قىزمەت ەتۋدە. اتا-باباسى قونىس ەتكەن, اكەسى عاريفوللا تۋىپ-وسكەن لەبياجى اۋدانىندا, اۋىلدا ۇرپاق جولىن جالعاستىرۋدا.
كونتسەرتتەن كەيىن قوناقتار, جۇرتشىلىق ەتنواۋىلدى ارالاپ كوردى. اققۋلىقتار قارسى العان قوناقتاردىڭ ىشىندە اقش-تان كەلگەن ۆيسكونسين ۋنيۆەرسيتەتىنىڭ پروفەسسورى گەري كيركينگ, «Wisconsin Farm Bureau» اۋىل شارۋاشىلىعى كووپەراتيۆىنىڭ باسشىسى دەيل بيتي جانە ۆەرونا قالاسىنىڭ مەرى دجون حوچكاممەر دە بولدى. ۆيسكونسين شتاتىنان كەلگەن امەريكالىق قوناقتار وبلىس كاسىپكەرلەرىنە سەمينار وتكىزۋدە.
- مەن قازاقستانعا وسىمەن بەسىنشى رەت كەلىپ وتىرمىن, - دەدى ۆيسكونسين ۋنيۆەرسيتەتىنىڭ پروفەسسورى گەري كيركينگ. - اباي ۇلى اقىن, ويشىل رەتىندە ەستىپ بىلدىك. مەرەكەنىڭ كۋاسى بولعانىما وتە قۋانىشتىمىن.
بۇدان كەيىن بايگە وتكىزىلدى.
فاريدا بىقاي, «ەگەمەن قازاقستان»