فينالعا شىققان قازاقستاندىق سەگىز بوكسشىنىڭ التاۋى ازيا چەمپيوندارى اتاندى. اتاپ ايتقاندا, ماحمۇد سابىرحان (48 كگ), بەيبارىس جەكسەن (52 كگ), ايتجان ءاشىرحان (54 كگ), ەراسىل جاكپەكوۆ (70 كگ), قۋاندىق ماقسۇت (75 كگ) جانە ساعىندىق توعامباي (80 كگ) التىن جۇلدەگە يە بولدى. ال اقىلبەك مۇحتاروۆ (46 كگ) پەن بەكزات ەرىمبەت (60 كگ) كۇمىس مەدالدى مىسە تۇتتى.
ءسويتىپ, قازاقستان قۇراماسى التى التىن, ەكى كۇمىس جانە ەكى قولا جۇلدەمەن ەڭ ۇزدىك ناتيجەگە قول جەتكىزدى. ەكىنشى ورىنداعى وزبەكستان كومانداسىندا ءۇش التىن جانە ءۇش كۇمىس مەدال بار. جاپونيا قۇراماسى ەكى التىن, ءبىر كۇمىس جۇلدەمەن ۇزدىك ۇشتىككە ىلىكتى.
«رەال» – ۋەفا سۋپەركۋبوگىنىڭ يەگەرى فۋتبولدان ۋەفا سۋپەركۋبوگى ءۇشىن بولعان كەزدەسۋدە چەمپيوندار ليگاسىنىڭ جەڭىمپازى «رەال مادريد» (يسپانيا) پەن ەۋروپا ليگاسىنىڭ چەمپيونى «مانچەستەر يۋنايتەد» (انگليا) كوماندالارى كۇش سىناستى.
ويىننىڭ ءبىرىنشى تايمى كورولدىك كلۋبتىڭ باسىمدىعىمەن ءوتتى. سونىڭ ايعاعىنداي, ماتچتىڭ 24-مينۋتىندا «رەالدىڭ» قورعاۋشىسى كازەميرو ەسەپ اشتى. ەكىنشى تايمنىڭ 54-مينۋتىندا جارتىلاي قورعاۋشى يسكو ەسەپتى ۇلعايتىپ, 2:0-گە جەتكىزگەن. وسىدان كەيىن «مانچەستەر يۋنايتەد» فۋتبولشىلارى ەسە قايتارۋعا جاپپاي ۇمتىلدى. بىراق, ولاردىڭ شاماسى ناۆاس قورعاعان قاقپاعا ءبىر گول سوعۋعا عانا جەتتى. گولدىڭ اۆتورى – لۋكاكۋ (62).
سونىمەن, زيدان باسقارعان «رەال» فۋتبول كلۋبى ءوزىنىڭ ەۋروپاداعى ەڭ مىقتى ۇجىم ەكەنىن كەزەكتى جەڭىسىمەن دالەلدەدى.
ازىرلەگەن
قايرات جۇنىس ۇلى