كەڭەسكە پرەزيدەنت اكىمشىلىگىنىڭ باسشىسى ءا.جاقسىبەكوۆ, جوعارعى سوت توراعاسى ق.ءمامي, پرەزيدەنت اكىمشىلىگى باسشىسىنىڭ ورىنباسارى ت.دوناقوۆ, باس پروكۋرور ج.اسانوۆ, ۇلتتىق قاۋىپسىزدىك كوميتەتىنىڭ توراعاسى ك.ءماسىموۆ, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ق.قوجامجاروۆ, ىشكى ىستەر ءمينيسترى ق.قاسىموۆ, ادىلەت ءمينيسترى م.بەكەتاەۆ, قارجى ءمينيسترى ب.سۇلتانوۆ قاتىستى.
نۇرسۇلتان نازارباەۆ «100 ناقتى قادام» ۇلت جوسپارىن ىسكە اسىرۋ اياسىندا زاڭنىڭ ۇستەمدىگىن قامتاماسىز ەتۋدىڭ ماڭىزدىلىعىنا نازار اۋدارىپ, وسى باعىتتا دايىندىق جۇمىستارىن ساپالى جۇرگىزۋ قاجەتتىگىن ايتتى.
– ءبىز بۇگىن قىلمىستىق قۋدالاۋ جۇيەسىن جاڭعىرتۋدىڭ بازالىق باعىتتارىن جەتىلدىرۋ جونىندەگى ماسەلەنى قاراستىرىپ وتىرمىز. سولاردىڭ قاتارىندا, قىلمىس پروتسەسىندە ازاماتتاردى قورعاۋ دەڭگەيىن ارتتىرۋ, تەرگەۋ جۇرگىزۋ ءتارتىبىن وڭتايلاندىرۋ, قىلمىس پروتسەسىندەگى جارىسپالىلىق, سوتقا دەيىنگى ساتىدا سوت باقىلاۋىن ودان ءارى كۇشەيتۋ, قىلمىستىق قۋدالاۋ, پروكۋراتۋرا جانە سوت ورگاندارى اراسىنداعى وكىلەتتىكتەردىڭ قايتالانۋىن بولدىرماۋ جانە ولاردى ناقتى ءبولۋ, – دەدى ەلباسى.
سوڭىندا قازاقستان پرەزيدەنتى بىرقاتار ناقتى تاپسىرما بەردى.