ەلشىنىڭ ايتۋىنشا, گرۋزيا قارجىلاي بەرەشەگىن پاريج كلۋبى جۇيەسى بويىنشا, از پايىزدىق مولشەرلەمە ارقىلى تولەمەك. «2013 جىلى گرۋزياعا ەلشى بولىپ بارعاندا بىردەن وسى ماسەلەنى كوتەردىم. كەلىسسوزدەردىڭ ناتيجەسىندە ولار قارىزىن كۇزدەن باستاپ تولەۋگە كەلىستى. 20 جىلداي بۇرىن ءبىز گرۋزياعا 27,5 ميلليون دوللار بەرگەن بولاتىنبىز», – دەدى ەرمۇحامەت ەرتىسباەۆ.
قازاقستان مەن گرۋزيا اراسىنداعى ديپلوماتيالىق قارىم-قاتىناس 1992 جىلى باستالدى. جالپى ەكى ەل اراسىنداعى بايلانىستىڭ قارقىندى جۇرگىزىلگەنىن مىنادان بايقاۋعا بولادى. ەلباسى نۇرسۇلتان نازارباەۆ 2005 جىلى رەسمي ءىس-ساپارمەن بارىپ قايتتى. سونىڭ ناتيجەسىندە, «كازترانسگاز», «قازمۇنايگاز», «قازترانسويل», «رومپەترول» سەكىلدى كوپتەگەن قازاقستاندىق كومپانيالار گرۋزيادا جۇمىس ىستەپ جاتىر. ەلىمىز گرۋزيا ەكونوميكاسىنىڭ نەگىزگى ينۆەستورلارىنىڭ ءبىرى بولىپ سانالادى. 2016 جىلى ەكى ەل اراسىنداعى تاۋار اينالىمى 67,1 ميلليون دوللاردى قۇرادى.
ايتا كەتەيىك, گرۋزيا پرەزيدەنتى گ.مارگۆەلاشۆيلي قازاقستانعا رەسمي ءىس-ساپارمەن كەلىپ, «ەكسپو-2017» xالىقارالىق كورمەسى اياسىندا ۇيىمداستىرىلعان گرۋزيانىڭ ۇلتتىق كۇنىنىڭ اشىلۋ راسىمىنە قاتىسقان-دى.
اباي اسانكەلدى ۇلى,
«ەگەمەن قازاقستان»