بىلتىر مەملەكەت باسشىسىنىڭ جارلىعىمەن 2016-2019 جىلدارعا ارنالعان «دەنساۋلىق» باعدارلاماسى قابىلدانعان بولاتىن. مەديتسينا سالاسىن دامىتۋدى كوزدەيتىن باعدارلامانىڭ جۇزەگە اسىرۋ بارىسى تۋرالى ايتقان ۆيتسە-مينيستر باعدارلامانىڭ باعىتتارىنا توقتالدى.
ءباسپاسوز ءماسليحاتىندا دارىگەرلەردىڭ قاعازباستىلىعىن ازايتۋعا بايلانىستى دا سۇراق قويىلدى. ل.اقتاەۆانىڭ ايتۋىنشا, قولعا الىنعان جۇمىستاردىڭ ناتيجەسىندە مەديتسينالىق قىزمەتكەرلەردىڭ قاپتاعان قاعازباستىلىعى 30 پايىزعا قىسقارعان. اسىرەسە, دارىگەرلەردىڭ ەسەپ بەرۋى مەن تىركەۋ قاعازدارىن تولتىرۋى ازايعان كورىنەدى. ء«بىز بيىلعى جىلدىڭ سوڭىنا دەيىن مەديتسينالىق مەكەمەلەردى اقپاراتتىق جۇيەمەن – 50 پايىزعا, 2018 جىلدىڭ اياعىنا دەيىن 100 پايىزعا دەيىن قامتاماسىز ەتۋدى جوسپارلاپ وتىرمىز. وسىلايشا, 2019 جىلدىڭ 1 قاڭتارىنان باستاپ, مەديتسينالىق ۇيىمدار قاعازسىز جۇمىس فورماتىنا كوشەدى», دەيدى ل.اقتاەۆا.
ۆيتسە-ءمينيستردىڭ ايتۋىنشا, «دەنساۋلىق» باعدارلاماسى اياسىنداعى شارالار مەملەكەت باسشىسى قويعان مىندەتتەردى ورىنداۋعا مۇمكىندىك بەرەدى. جوسپار بويىنشا, قازاقستان 2050 جىلعا قاراي الەمدەگى ەڭ دامىعان وتىز ەلدىڭ قاتارىنا قوسىلۋى ءتيىس. وسى ورايدا ەلىمىزدىڭ دە دەنساۋلىق ساقتاۋ سالاسى دامىپ. تۇرعىنداردىڭ ورتاشا ءومىر ءسۇرۋ جاسى 80 جاسقا دەيىن ۇزارماق.
قىمبات توقتامۇرات,
«ەگەمەن قازاقستان»