بۇگىن «ازىرەت سۇلتان» مەملەكەتتىك تاريحي-مادەني قورىق مۋزەيىنە «استانا-اقتاۋ-تۇركىستان–الماتى-استانا» باعدارىمەن ساپار شەككەن «تۋعان ەلگە ساياحات» تەمىرجول تۋريستىك پويىزىمەن 200-دەن استام بالا كەلدى, دەپ حابارلايدى «ازىرەت سۇلتان» قورىق مۋزەيىنىڭ ءباسپاسوز قىزمەتى.
«تۋعان ەلگە ساياحات» جوباسى «سامۇرىق-قازىنا Trust» كورپوراتيۆتىك قورىنىڭ قولداۋىمەن جۇزەگە اسقان. جوبا ماقساتى - سىرتقى الەمگە بالالاردىڭ قىزىعۋشىلىعىن ارتتىرۋ, ەلدىڭ تاريحى مەن ساۋلەت ەسكەرتكىشتەرىن زەرتتەپ, پاتريوتيزمگە تاربيەلەۋ. بالالاردىڭ بارلىعى دا شالعايدا تۇراتىن, ساباقتارىن ۇزدىك وقيتىن, كوپ بالالى, تولىق ەمەس وتباسىلارىنان قۇرالعان.
تۇركىستانعا ساپار بارىسىندا بالالار «ازىرەت سۇلتان» قورىق مۋزەيىن ارالاپ قوجا احمەت ياساۋي كەسەنەسىن قانداي ەكەندىگىن ءوز كوزدەرىمەن كورىپ, تاڭدانىستارىن جاسىرا المادى.