شارا 19 تامىزعا جوسپارلانعان. مما, دزيۋدو, سامبو, جاۋىنگەرلىك سامبو, تاەكۆوندو, جەكپە-جەك, WKF كاراتە, بوكس, كيكبوكسينگ, تاي بوكسى, پانكرياتيون, گرەك-ريم كۇرەسى, دجيۋ دجيتسۋ, كيوكۋشينكاي كاراتە, ەركىن كۇرەس جəنە باسقا دا جەكپە-جەكتىڭ 16 تۇرىنەن بولاتىن جارىستا اتىراۋ وبلىسىنىڭ ەڭ ۇزدىك سپورتشىلارى الىس-جاقىن شەتەلدەردەن كەلەتىن قارسىلاستارىمەن سىنعا تۇسەدى.
مۇنايلى ايماققا ۋكراينا, رەسەي, گرۋزيا, Əزەربايجان, برازيليا, كورەيا, تۇركيا, يسپانيا, تايلاند, پولشا, بەلگيا, يران, ماروككو ەلدەرىنەن, بارلىعى 16 مەملەكەتتەن سپورتشىلار كەلەدى.
شارانى ۇيىمداستىرۋشى, وبلىستىق دەنە تəربيەسى جəنە سپورت باسقارماسىنىڭ باسشىسى ازامات بەكەتتىڭ ايتۋىنشا, سپورت فەستيۆالى ايماقتاعى سپورتتى ناسيحاتتاپ, سالاۋاتتى ءومىر سالتىن قامتاماسىز ەتۋگە باعىتتالعان.
-«Atyrau Sport Fest 2017» اياسىندا كورەرمەن ءبىر كەشتە جەكپە-جەكتىڭ بارلىق ءتۇرىن تاماشالاي الادى. فەستيۆال قوناقتارى ءۇشىن مما بويىنشا جارىس كەشىن دايىنداپ وتىرمىز – برازيليالىق سپورتشى فورتۋناتو لاپ اتىراۋلىق بەلگىلى سپورت ساڭلاعى يساتاي تەمىروۆپەن جەكپە-جەككە شىعادى. مۇنداي فورماتتاعى شارا ءبىزدىڭ ەلىمىزدە بۇرىن-سوڭدى بولماعان. فەستيۆالدى جىل سايىن ءدəستۇرلى تۇردە وتكىزبەك نيەتتەمىز. كەلەسى جىلى اتىراۋدا سپورتتىق ويىن تۇرلەرى فەستيۆالى وتەدى,- دەيدى ازامات بەكەت.
كەش باعدارلاماسىندا وتاندىق جəنە شەتەلدىك ەسترادا جۇلدىزدارىنىڭ كونتسەرتى دە بار. كورەرمەن لازەرلى شوۋمەن بىرگە اتىراۋ وبلىسىنداعى جاس سپورتشىلاردىڭ ونەرىنە كۋə بولادى.
باقىتگۇل باباش,
"ەگەمەن قازاقستان"