سالتاناتتى جيىننىڭ رەسمي بولىمىندە اقپارات جانە كوممۋنيكاتسيالار ءمينيسترى داۋرەن اباەۆ ءسوز سويلەپ, ەكسپو-2017 كورمەسىنىڭ تاقىرىبى مەن رۋمىنيانىڭ كورمەگە قاتىسۋى ماڭىزدى ەكەنىن جەتكىزدى. «بۇل مەملەكەت حالىقارالىق شاراعا وتە تەرەڭ تۇجىرىمداما ۇسىندى, ول – جارىق ەنەرگياسى», دەدى مينيستر. رۋمىنيانىڭ سىرتقى ىستەر ءمينيسترى تەودور مەلەشكانۋ ەكسپو-2017 كورمەسى ادامزات قوعامى قول جەتكىزگەن تەحنولوگيالىق دامۋ دەڭگەيىن كورسەتەتىنىن ايتتى. «شاعىن جانە ورتا كاسىپكەرلىكتى قوسقاندا, كوپتەگەن ەكونوميكالىق سۋبەكتىلەردى ءارتاراپتاندىرۋ جانە بىرىكتىرۋ تۇرعىسىندا «بولاشاقتىڭ ەنەرگياسى» اتتى ەكسپو-2017 كورمەسى جالپى ەكونوميكالىق ىنتىماقتاستىعىمىزداعى جاڭا ساپا دەڭگەيىنىڭ نەگىزگى نۇكتەسىنە اينالارى ءسوزسىز», دەدى ول. مەرەكەدەن سوڭ كوپشىلىك رۋمىنيا پاۆيلونىن ارالاپ, ەكسكۋرسيا جاسادى. ونداعى جادىگەرلەر مەملەكەتتىڭ سوڭعى جارتى جىلدا اشقان وتە ماڭىزدى جوباسى «ەكسترەمالدى جارىق ينفراقۇرىلىمىنا» بايلانىستى. ول – پروگرەسس پەن عىلىمي الەم ساباقتاستىعىنىڭ سيمۆولى. جوبانىڭ ارقاسىندا بولاشاققا كوز سالۋعا بولادى. يادرولىق فيزيكا سالاسىنداعى جالپىەۋروپالىق «ەلاي» دەپ اتالاتىن كۇرىلعىنى ماجارستان مەن چەحيا ەلدەرى بىرلەسە وتىرىپ ازىرلەگەن. بۇل جوبا جۇزەگە اسسا, الەمدەگى ەڭ كۇشتى لازەرگە اينالادى. ول كۇن بەرەتىن ەنەرگيانىڭ 10 پايىزىنا تەڭ قۋاتتى تۇرلەندىرەدى ەكەن. كەلۋشىلەر وسى لازەر ارقىلى وزدەرىنىڭ ەنەرگياسىمەن بولىسە الادى. ال شاعىن مونيتورلاردا ءسىزدىڭ قانشا ەنەرگيا بولگەنىڭىز جازۋلى تۋرادى. رۋمىنيالىقتار كورمە قوناقتارىن ينتەراكتيۆتى رەجىمدە قىزىقتىرۋعا تىرىسقان. مۇندا وت پەن جارىق ساۋلەلەرى كوپ. ەكسكۋرسيا جاساۋشىلاردىڭ ايتۋىنشا, پاۆيلوننىڭ نەگىزگى ماقساتى – گرافيكالىق, ۆيزۋالدى قۇرالداردىڭ كومەگىمەن لازەرلىك تەحنيكانىڭ دامىعانىن كورسەتۋ. «پاۆيلوندا دۇنيە جۇزىندە مىقتى سانالاتىن ەكى لازەر بار. ولاردىڭ قۋاتتىلىعى كۇن ەنەرگياسىنىڭ وننان ءبىر پايىزىنا دەيىن جەتەدى. جانە دە ءبىر گامما ساۋلەسى بار. ولاردىڭ كومەگىمەن فيزيكا سالاسىنداعى عىلىمي-زەرتتەۋ جۇمىستارىن, ماسەلەن, مەديتسينا سالاسىندا راك اۋرۋىن زەرتتەۋدى, وعان قارسى كۇرەسۋدى جۇرگىزە الادى. كورمەنى ۇيىمداستىرۋشىلاردىڭ ايتۋىنشا, رۋمىنيالىقتاردىڭ پاۆيلونىن كۇنىنە 3 مىڭنان 5 مىڭعا دەيىن كورەرمەن تاماشالايدى», دەيدى پاۆيلون اۋدارماشىسى اسەل بوكەن. اعىمداعى جىلى قازاقستان مەن رۋمىنيا ديپلوماتيالىق قارىم-قاتىناستىڭ 25 جىلدىعىن اتاپ وتۋدە.
رۋمىنيا پاۆيلونى قوناقتارىنىڭ نازارىن اۋداردى.
ەكسپو-2017 حالىقارالىق كورمەسىندە رۋمىنيانىڭ ۇلتتىق كۇنى تويلاندى. مەرەكەلىك كەشتە كورەرمەندەر نازارىنا مادەني باعدارلاما ۇسىنىلدى. وندا فلەيتانىڭ كورولى, سۋرەتشى, اقىن, فرانتسيانىڭ, بەلگيانىڭ, ليۋكسەمبۋرگتىڭ رىتسارى گەورگە زامفير ونەر كورسەتتى. دجەيمس لاستتىڭ «ودينوكي پاستۋح» تۋىندىسىن الەمگە تانىتقان اتاقتى مۋزىكانتتىڭ الەم ساحنالارىنا شىعىپ جۇرگەنىنە جارتى عاسىردان اسقان. سونداي-اق, ۇلتتىق ساحنادا رۋمىنيانىڭ «داكيا» مادەني قاۋىمداستىعىنىڭ ارتىستەرى حالىق ءبيىن ورىندادى.