كەشە پرەمەر-مينيستر باقىتجان ساعىنتاەۆ رۋمىنيانىڭ سىرتقى ىستەر ءمينيسترى تەودور-ۆيورەل مەلەشكانۋمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋ بارىسىندا ەنەرگەتيكا, ماشينا جاساۋ, مەتاللۋرگيا, كولىك جانە لوگيستيكا, سونداي-اق جەڭىل ونەركاسىپ سالالارىنداعى ساۋدا-ەكونوميكالىق ىنتىماقتاستىقتى ودان ءارى دامىتۋ ماسەلەلەرى تالقىلاندى.
بۇدان وزگە, قازاقستان-رۋمىنيا ۇكىمەتارالىق كوميسسياسىنىڭ وتىرىسىندا قول جەتكىزىلگەن ساۋدا-ەكونوميكالىق جانە عىلىمي-تەحنيكالىق ىنتىماقتاستىق بويىنشا ۋاعدالاستىقتاردى ىسكە اسىرۋ بارىسى قارالدى.